U Brasłavie adzin i toj ža rejsavy haradski aŭtobus trojčy za dzień 18 studzienia staŭ udzielnikam DTZ, paviedamlaje «Brasłaŭskaja źviazda» sa spasyłkaj na adździeł DAI Brasłaŭskaha RAUS.
Ranicaj, kala 7.30, paśla vysadki pasažyraŭ na prypynku, aŭtobus pačynaŭ ruch, ale kiroŭca nie zaŭvažyŭ aŭtamabil «Reno», jaki abjazdžaje jaho. Abodva transpartnych srodki atrymali niaznačnyja paškodžańni.
A 15-j hadzinie va ŭmovach hałalodzicy aŭtamabil «Tajota», jaki vyjazdžaŭ z pabočnaj darohi, nie paśpieŭ zatarmazić i «zajechaŭ» u zadniuju častku aŭtobusa.
Kali ŭdzielniki DTZ čakali supracoŭnikaŭ DAI, z aŭtobusam (pa toj ža schiemie, jak i papiaredni aŭtamabil) sutyknuŭsia jašče i «Folksvahien». A supracoŭniki DAI, jakija prybyli praź niekalki chvilin, zafiksavali na miescy ŭžo dva DTZ.
U suviazi z paharšeńniem umoŭ nadvorja Dziaržaŭtainśpiekcyja zaklikaje ŭsich udzielnikaŭ darožnaha ruchu być bolš uvažlivymi adzin da adnaho. Vytrymlivać chutkasny režym i dystancyju, paźbiahać rezkich manieŭraŭ i tarmažeńniaŭ, a taksama ruchacca z uklučanym blizkim śviatłom far.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?11
Kamientary