Va Ukrainie viečaram 18 studzienia ad sietki adklučyli praź niepaładki enierhabłok № 3 Rovienskaj AES (RAES; Rivnienśka AJES). Pra heta paviedamlajecca na sajcie ŭkrainskaj nacyjanalnaj atamnaj enierhahienierujučaj kampanii «Enierhaatam».
«Dziejańniem technałahičnaj abarony adbyłasia pasadka stoparnych kłapanaŭ, adklučeńnie turbahienieratara TH-5 ad sietki i źnižeńnie mahutnaści reaktarnaj ŭstanoŭki błoka №3 Rovienskaj AES da 37%», — rastłumačyli ŭ kampanii.
Na miescy pracuje kamisija. Pa infarmacyi «Enierhaatoma», radyjacyjnaja i ekałahičnaja situacyja na abjekcie i prylehłaj da jaho terytoryi zachoŭvajecca ŭ miežach normy.
Pavodle paviedamleńnia, u hety čas pieršy błok znachodzicca na płanavym kapramoncie, a druhi i čaćviorty błoki pracujuć u štatnym režymie.
Rovienskaja atamnaja elektrastancyja znachodzicca na paŭnočnym zachadzie Rovienskaj vobłaści ŭ horadzie Varaš — za 70 kiłamietraŭ ad biełaruska-ŭkrainskaj miažy.
Kamientary