Zdareńni22

Padletak, jaki ratavaŭ susieda na pažary: U mianie nie było času dumać pra strach

kurjer.info

Daniił Ždanko — vučań 9-ha kłasa SŠ №13 Słucka. Vośmaha studzienia 14-hadovy chłopiec nie pabajaŭsia kinucca ŭ pałajučy dom, kab vyratavać susieda. Pakul padletak vybivaŭ vokny i dźviery doma, darosłyja žychary vioski Małaja Padzier zdymali pažar na telefony.

Jeŭraradyjo parazmaŭlałaDaniiłam i jaho maci Anastasijaj pra toje, jak usio zdaryłasia, što kažuć u vioscy i ci źbirajecca Daniił stać ratavalnikam.

Jeŭraradyjo: Daniił, što adbyłosia ŭ toj dzień, jak zdaryŭsia pažar?

Daniił Ždanko: Ja spakojna išoŭ dadomu sa škoły. Hladžu, vybiehła z doma susiedka i kryčyć: «Danik, ja nie viedaju, što mnie rabić. Kaho zvać?». Ź niekalkich vokan jakraz palacieli šyby, i rezka vyrvałasia połymia. Ja pabieh u dvor, pačaŭ brać ŭsiakija halinki, pałki i bić imi ŭ inšaje akno, kab i jaho raźbić. Ja kryčaŭ — mała niechta pačuje, moža, tam unutry lažyć biez prytomnaści ci jašče što-niebudź. U hety čas kala doma sabrałasia čaćviora darosłych: dva piensijaniery i dvoje maładych mužčyn. Ja pabieh vakoł doma, tamu što vieranda była ź inšaha boku. Vybiŭ dźviery, i adrazu ž na mianie vylecieŭ zdaravienny kłub dymu. Ja pačaŭ kašlać, da mianie padbieh niejki nieviadomy mužčyna, zaskočyŭ u dom i staŭ vyciahvać haspadara hetaha doma. Ja zaskočyŭ śledam, i dapamoh jamu jaho dastać. Jak raz u toj momant pryjechali pažarnyja. My pakłali mužčynu na śnieh, pažarnyja padbiehli i zabrali jaho. Ja, napeŭna, z-za šoku, nie viedaju, uziaŭ zaplečnik i ŭciok dadomu.

«U škole skazali, što nie kožny darosły na takoje zdolny»

Jeŭraradyjo: Što paśla hetaha vypadku pra vas kažuć u vioscy?

Daniił Ždanko: Adny kažuć, što ja ŭ hetaj situacyi byŭ niejkim cieniem: prosta vybiŭ dźviery i ŭciok. Inšyja ličać, što ja jak by nievialiki hieroj, maŭlaŭ, kali b nie ja, to susied by pamior. Šmat chto kaža, što małajčyna, i ŭsio. U škole taksama ŭsie pra heta viedajuć. Skazali, što nie kožny darosły na takoje zdolny.

Jeŭraradyjo: Pažarnyja ŭ kursie, što vy rabili ŭsio, kab vyratavać čałavieka? Jany z vami źviazvalisia?

Daniił Ždanko: Ja ž ŭciok. Ratavalniki napeŭna navat nie viedajuć, što ja tam byŭ i niešta rabiŭ. Moža, tolki ŭ haziecie ŭbačać.

Jeŭraradyjo: Što z čałaviekam, jakoha vy vyciahnuli z pałajučaha doma?

Daniił Ždanko: Haspadar doma žyvy, maja mama kožny dzień telefanuje ŭ balnicu i pytajecca, jak jaho stan.

«U mianie nie było času dumać pra strach, rabiŭ toje, što treba było, i ŭsio»

Jeŭraradyjo: Nie kožny čałaviek moža kinucca kahości ratavać…

Daniił Ždanko: Nie viedaju, što mianie naviało na dumku, ale baćki ź dziacinstva raspaviadali, što ŭ ciažkaj situacyi treba dapamahać čałavieku. Ja ŭbačyŭ sabaku, jaki biehaŭ kala doma i brachaŭ. Ja viedaŭ, što ŭ domie znachodzicca jaho haspadar. Tamu što dzie haspadar, tam i jaho sabaka. U mianie nie było času dumać pra strach, rabiŭ toje, što treba było, i ŭsio… Mahčyma, ja nie razumieŭ da kanca, što adbyvajecca, i, paśla taho jak hety mužčyna vyciahnuŭ haspadara, ja pabieh dadomu da baćkoŭ pa dapamohu.

Jeŭraradyjo: Čym vy zachaplajeciesia?

Daniił Ždanko: Ja zajmajusia motabołam. Voś, kupiŭ matacykł za ŭłasnyja hrošy — źbiraŭ niekalki miesiacaŭ, pracujučy ź dziadulem u lesie. Moj dziadula — majstar lesu. Tata — budaŭnik, mama — vychavalnica. Jość dźvie siastry.

Vyciahnuŭšy susieda z pałajučaha doma, Daniił Ždanko pabieh dadomu. Doma była mama z maleńkaj siastroj.

kurjer.info

«Bačyŭ, što darosłyja stajać i biaździejničajuć»

Anastasija Ždanko: Jon prybieh i kryčyć na ŭvieś dom: «Matula! Matula! Dziadźka Valera haryć!». Reakcyja ŭ mianie była, jak u narmalnaj maci, tamu što ŭ nas siamja družnaja, zładžanaja. My naohuł zaŭsiody adzin za adnaho. U nas pytańniaŭ nie źjaŭlajecca pra toje, kab dapamahčy kamuści. Ja, viadoma, biahom tudy. Tam užo akurat i pažarnyja padjechali…

Viadoma, ciapier adnaviaskoŭcy roznaje kažuć. Maŭlaŭ, što jon takoha zrabiŭ? Vybiŭ dźviery i ŭciok, ale ŭciok jon nie ad strachu. Jon uciok za baćkami. Tamu što bačyŭ, što darosłyja stajać i biaździejničajuć. A jon viedaje svaju siamju, zładžanuju kamandu svaich baćkoŭ, tamu za nami i prybieh… Ale naohuł, kažuć, što małajčyna. Kali b nie vybiŭ dźviery, mahčyma, i Valera nie byŭ by žyvy.

«Matula, jak ža ty možaš tak mima prajści, ciotcy ž drenna?»

Jeŭraradyjo: Jak vy ličycie, u čym pryčyna takoha hieraičnaha ŭčynku? Što mahło jaho padšturchnuć na heta?

Anastasija Ždanko: Kali jamu nie było i piaci hadoŭ, my ź im išli ŭ sadok — žyli tady ŭ horadzie. Kala susiedniaha padjezda valałasia žančyna. Ja nie viedaju, ci była jana pjanaja, ci joj było drenna. Jon mnie kaža: «Matula, jak ža ty možaš tak mima prajści, ciotcy ža drenna?». Ja jamu: «Synočak, my spaźniajemsia. My nie možam z taboj padyści dapamahčy «. Jon: «Matula, ja malu ciabie. Davaj joj dapamožam». Ja na chadu vyklikała chutkuju. Tłumaču, što ja nie viedaju, što z čałaviekam, ale jana prosta lažyć. I jon tolki tady supakoiŭsia. A ŭviečary, kali jaho zabrała z sada, jon kaža: «Mama, a ty nie viedaješ, kab tam z toj ciotkaj?». Ja jamu, viadoma, ledź-ledź schłusiła. Skazała, što ničoha strašnaha, ciotka zastałasia žyvaja. Tamu ja dumaju, što heta ŭsio zakładziena ŭ jaho ŭnutry. Voś hetaja dabrynia i žadańnie nieści radaść i dapamohu ludziam.

kurjer.info

«Daniił vielmi aktyŭny. Dniom pracuje, viečaram sa svaimi tavaryšami hulaje»

Jeŭraradyjo: A kim płanuje stać Daniił?

Anastasija Ždanko: Pakul płany mianiajucca kožny dzień, ale apošnija padziei jaho žyćcia, napeŭna, zhulajuć dla jaho važnuju rolu. U nas i da hetaha byli pieradumovy, kab jon staŭ MNSnikam. Nu, mahčyma, mahčyma.

Jeŭraradyjo: U škole jak vučycca?

Anastasija Ždanko: Niabłaha. Jon vielmi tavaryski, kamunikabielny chłapčuk. Zaŭsiody ŭdzielničaje ŭ hramadskim žyćci škoły. Voś litaralna na kanikułach zimovych hulaŭ u KVZ, kamanda zaniała treciaje miesca.

Jon u nas vielmi aktyŭny. Kožnaje leta pracuje na kanikułach, zarablaje hrošy. To sam sabie mapied kupić, to mabilny telefon, to daść niejkija smakoćci dadomu, nabytyja za ŭłasna zaroblenyja hrošy.

Mnie padabajecca, što jon pravodzić čas z karyściu dla siabie. Dniom pracuje, viečaram sa svaimi tavaryšami hulaje, zabaŭlajecca. Pazaletaś jany abstalavali plaž na rečcy — dla siabie, dla ludziej, kab možna było pryjści i pasiadzieć za stolikam.

«Mama, ja nie zorka. Tak pavinien byŭ pastupić kožny čałaviek, jaki siabie pavažaje»

Jeŭraradyjo: Jak adčuvaje siabie susied?

Anastasija Ždanko: Ja kožny dzień telefanuju ŭ reanimacyju. Siońnia razmaŭlała ź lekaram. Kaža, što stan stabilna ciažki. Pakul jon znachodzicca ŭ balnicy, jamu ničoha nie treba, ale kali papravicca, jamu ž patrebnyja buduć niejkija rečy, usio ž zhareła, ničoha nie zastałosia. Paśla vychodnych zajmusia zboram rečaŭ.

Jeŭraradyjo: Što vy viedajecie pra paciarpiełaha?

Anastasija Ždanko: Jon dobry mužčyna, u nas jaho nazyvali miascovym parabkam, padpracoŭvaŭ u roznych ludziej pa haspadarcy. Ale žyvie adzin. U minułym jon spartsmien. Byccam by baskietbołam zajmaŭsia navat raniej. Było takoje, što jon troški i vypivaŭ. Ale ja vam skažu, vypivaki roznyja byvajuć. Jon sam sabie zarablaŭ, siabie zabiaśpiečvaŭ.

Jeŭraradyjo: Ci čakajecie vy niejkuju aficyjnuju reakcyju ad MNS abo miascovych uładaŭ?

Anastasija Ždanko: My ničoha ni ad kaho nie čakajem. Ja synu siońnia žartam kažu: «Nu ty naša zorka!». A jon mnie: «Mama, ja nie zorka. Tak pavinien byŭ pastupić kožny čałaviek, jaki siabie pavažaje».

Kamientary2

Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie8

Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie

Usie naviny →
Usie naviny

«Ja z toj žmieńki ludziej, u jakich alerhija na ŭłasny arhazm»5

Danija vyrašyła praviarać tankiery rasijskaha cieniavoha fłotu. Heta rezkaja źmiena raniejšych padychodaŭ3

Zialenski: Rasija sioleta budzie sprabavać niepasredna ŭciahnuć Biełaruś u vajnu27

ZŠA mohuć pradstavić płan «spynieńnia vajny» va Ukrainie na Miunchienskaj kanfierencyi6

Stryžak raskazaŭ, što viadoma pra ŭzmocnienyja pravierki na vyjeździe ź Biełarusi10

Milej idzie za prykładam Trampa i vyvodzić Arhiencinu z SAAZ4

Budaŭničyja raboty na jaŭrejskich mohiłkach u Minsku spynieny

Biełarus zachavaŭ archiŭ pradzieda i ździviŭ im polskich čynoŭnikaŭ5

Na trasie ŭ Raŭbičach zaŭvažyli muža Darji Domračavaj VIDEA5

bolš čytanych navin
bolš łajkanych navin

Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie8

Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić