Wikimedia Commons
Parłamient Vieniesueły, bolšaść u jakim składaje apazicyja, pryznaŭ nielehitymnym druhi termin prezidenctva Nikałasa Madura, jaki pavinien pačacca 10 studzienia.
Pra heta zajaviŭ novaabrany kiraŭnik Nacyjanalnaj asamblei Vieniesueły Chuan Huajda na pieršaj u 2019 hodzie siesii parłamienta 5 studzienia, pieradaje pravda.com.ua sa spasyłkaj na AFP.
Huajda zaklikaŭ vajskoŭcaŭ padtrymać namahańni, nakiravanyja na «adnaŭleńnie demakratyi». Pavodle jaho, 10 studzienia Madura «maje namier zachapić uładu». Huajda taksama nazvaŭ Nacyjanalnuju asambleju «adzinym zakonnym pradstaŭnikom naroda».
Huajda abaviazaŭsia «stvaryć umovy dla ŭrada pierachodnaha pieryjadu i pryznačyć svabodnyja vybary».
Adznačajecca, što łajalnyja da Madura deputaty nie prysutničali na pasiadžeńni parłamienta.
U toj ža čas u znak salidarnaści z Nacyjanalnaj asamblejaj tudy prybyli 20 dypłamataŭ z ZŠA, Kanady, Japonii, Italii i Hiermanii.
Madura płanuje pryniać prysiahu 10 studzienia na druhi šaścihadovy termin.
Prezidenckija vybary ŭ Vieniesuele adbylisia 20 maja 2018 hoda. Pa ich vynikach CVK abviaściła pieramohu Madura, jaki nabraŭ kala 70% hałasoŭ. Pry hetym CVK paćvierdziŭ nizkuju jaŭku. Na vybarčyja ŭčastki pryjšli krychu bolš za 46% hramadzian. Dla paraŭnańnia, u 2013 hodzie prahałasavali 80% vybarščykaŭ.
Šerah krain Zachadu i Łacinskaj Amieryki nie pryznali pieramohu Madura i adklikali svaich pasłoŭ z Karakasa. ZŠA ŭviali dadatkovyja ekanamičnyja sankcyi i patrabujuć praviadzieńnia novych vybaraŭ.
Alaksandr Łukašenka pavinšavaŭ Madura ź pieravybrańniem.
Siarhieju Dubaŭcu — 65. Pahutaryli pra novyja knihi, dražnieńnie Łukašenki, biznes na Zanzibary i samy ščaślivy čas11
Kamientary