Rada Biełaruskaj Narodnaje Respubliki abviaščaje pra ŭznaharodžańnie miedalom da stahodździa BNR. Adpaviedny dekret padpisany staršynioju Rady Ivonkaj Surviła.
Zhodna sa svaim statutam, miedal uručajecca za pažyćciovyja zasłuhi ŭ pracy dziela ździajśnieńnia ideałaŭ Aktu 25 sakavika 1918 h., u tym liku za daśledvańni i papularyzacyju biełaruščyny, zdabyćcio i ŭmacavańnie dziaržaŭnaj niezaležnaści Biełarusi, baraćbu za svabodu i demakratyju ŭ Biełarusi.
Miedal uručajecca:
— Asobam, jakija adznačylisia na nivie zmahańnia za volu i niezaležnaść Biełarusi,
— Vybitnym hramadskim i kulturnickim dziejačam u Biełarusi i siarod biełaruskaha zamiežža,
— Zamiežnikam, jakija spryčynilisia da daśledvańniaŭ i papularyzacyi Biełarusi ŭ śviecie, a taksama inšym čynam spryjali nacyjanalnym intaresam Biełarusi.
Siarod uznaharodžanych — pieršy ambasadar ZŠA ŭ Biełarusi Devid Suorc i ambasadar Švecyi ŭ Biełarusi Stefan Eryksan; palityki i hramadskija dziejačy; vieterany biełaruskaha niezaležnickaha ruchu i palityčnyja viaźni; daśledčyki Džym Dynhli, Arnold Makmilin, Adam Maldzis; akademik Radzim Harecki; piśmieńnik Uładzimier Arłoŭ; stvaralniki etałonu dziaržaŭnaha hierbu «Pahonia» Alaksiej Maračkin i Leŭ Tałbuzin; i mnohija inšyja.
Ahułam uznaharodžanyja bolš za 130 asobaŭ ź Biełarusi i zamiežža.
Uručeńnie ŭznaharodaŭ adbudziecca na praciahu 2019 hoda.
-
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
-
Ministr zajaviŭ, što biełaruskaja kultura ačyściłasia ad «destruktyŭnych elemientaŭ»
-
Syn nieprymirymaha voraha Kadafi prybyŭ u Biełaruś, kab zaklučyć pahadnieńnie
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»37
Kamientary