Aŭstralijka sustreła Kalady z kotkaj Rozi, jakaja viarnułasia dadomu praz 14 hadoŭ paśla źniknieńnia. Pra heta paviedamlaje Daily Mail.
Lubimaja kotka žycharki Sidneja Bjanki Zamit uciakła z doma, jašče kacianiatkam. Z tych časoŭ žančyna ni razu nie bačyła hadavanca.
Jak akazałasia, uvieś hety čas žyvioła žyła ŭ inšym domie, usiaho praź niekalki kvartałaŭ ad Zamit. Kotku padabraŭ pažyły mužčyna, jaki vyrašyŭ, što jana biazdomnaja. Paśla śmierci novaha haspadara jaho svajaki adnieśli žyviołu ŭ prytułak. Vieterynary praskanavali čyp Rozi i daviedalisia, chto pieršapačatkova byŭ uładalnikam žyvioły.
Da Kaladaŭ daktary źviazalisia z Zamit i viarnuli joj Rozi. Vieterynar Brendon Koŭen adznačyŭ, što kali b toj mužčyna adnios jaje da vieterynara na skanavańnie, žyvioła mahła b viarnucca dadomu jašče 14 hadoŭ tamu.
Zamit pryznałasia, što vielmi rada sustrečy z kotkaj. «Kali ja była maleńkaj, ja zaŭsiody spadziavałasia, što jana vierniecca», - raspaviała jana.
Kamientary