Źmicier Daškievič: «Kamunizm budzie zabaronieny!»
10 śniežnia ahulnanacyjanalnym adnadzionnym pastom zavieršyłasia raspačataja 7 listapada kampanija «Kamunizm pad trybunał!». Acenku vynikam kampanii daje staršynia zarehistravanaha ŭ Čechii Maładoha Frontu Źmicier Daškievič.
10 śniežnia ahulnanacyjanalnym adnadzionnym pastom zavieršyłasia raspačataja 7 listapada maładafrontaŭcami kampanija «Kamunizm pad trybunał!». Acenku vynikam kampanii daje staršynia zarehistravanaha ŭ Čechii Maładoha Frontu, Źmicier Daškievič.
«Hałoŭnaju zadačaju našaj antykamunistyčnaj kampanii było pryciahnuć uvahu hramadztva da nieabchodnaści asensavańnia pamyłak svajho minułaha, kab my mahli ŭ hetych pamyłkach pakajacca dy ich bolej nie rabić. I my ličym, što damahlisia šyrokaj dyskusii ŭ hramadztvie. Tamu niachaj dla «Biełhaziety» kampanija «Kamunizm pad trybunał» heta – mažlivaść maładych ludziej śpisać na tatalitarnuju idealohiju asabistuju «blizarukaść i biezhałovaść», a dla Kalakina heta – «Durata, jakaja projdzie, bo nie było b kamunistaŭ, nie było b i Biełarusi», dla nas ža hałoŭnaje, što dyskusija ab nieabchodnaści asudžeńnia kamunizmu ŭźniataja.
Dla kahości ŭjaŭlałasia, što my viadziem kampaniju suprać niejkich palityčnych siłaŭ ci asobaŭ. Adnak nas nie cikaviać ni marhinalnyja partyi, ni ichnija lidery. Nas turbuje ahulnahramadzki nihilizm, jaki ličyć, što kamunizm jość niečym mityčnym, dalokim i da nas nie datyčnym. Nihilizm, jaki zakranuŭ navat mnohich demakrataŭ. I kali hetych ludziej u advarotnym nie pierakonvaje toje, što na liku kamunistyčnych ideolahaŭ savieckaj ułady, pa dadzienych lubych daśledčykaŭ, achviaraŭ tolki ŭ Sajuzie jak minimum stolki ž, kolki i na liku fašystaŭ va ŭsim śviecie.
Šlach da demakratyi, svabody, adradžeńnia biełaruskaj nacyi palahaje tolki praz asensavańnie strašnych staronak historyi i ahulnanacyjanalnaha za ich pakajańnia. Voś tady našaja novaja śviadomaść i vyznačyć novaje byćcio.
Kamuści našaja kampanija adkryła na toje vočy, kamuści dała mažlivaść pazajmacca krytykanstvam, što taksama nia kiepska dla pačatku dyskusii. My ž budziem pryśviačać siabie adradžeńniu histaryčnaj pamiaci i zaklikać narod da pakajańnia ŭ złačynstvach kamunistyčnaj idealohii da poŭnaj zabarony kamunizmu ŭ Biełarusi. I pierakanany, što čas toj blizki».
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary