Barančyk: Rumas svaim banderaŭskim učynkam prademanstravaŭ, što hatovy ŭznačalić Biełaruś paśla Łukašenki
Čarnasocienskaje rasijskaje infarmacyjnaje ahienctva «Rehnum» źviarnuła ŭvahu na biełaruskamoŭny vystup premjer-ministra Biełarusi Siarhieja Rumasa na cyrymonii «Zorny miač — 2018». Jak zaŭsiody ŭ takich vypadkach, vydańnie zrabiła z hetaha fakta vielmi dziŭnyja vysnovy.
«Vystupajučy z drobiaznaj nahody na mierapryjemstvie siaredniaj ruki, Siarhiej Rumas tym nie mienš ŭmudryŭsia, što kaža ab jaho rozumie i pra ambicyi, padać całkam kankretny palityčny sihnał jak čynoŭnickaj viertykali, tak i apazicyi. Sihnał składajecca ŭ tym, što jon hatovy ŭznačalić biełarusifikavanuju postłukašenkaŭskuju respubliku. Treba addać naležnaje — heta mocny chod śmiełaha čałavieka, jaki nie tolki bačyć, ale i vydatna viedaje znutry pracesy, jakija adbyvajucca ŭ respublicy», — adznačaje šef-redaktar vydańnia Juryj Barančyk.
Aŭtar miarkuje, što na Zachadzie ŭžo pačuli hety sihnał, bo «apazicyjnyja ŚMI padrabiazna i stanoŭča napisali pra hety palityčny žest Rumasa».
«Ministr sportu Siarhiej Kavalčuk, kab być u banderaŭskim trendzie svajho šefa, taksama vyrašyŭ vystupić na hetym mierapryjemstvie na biełaruskaj movie», — z abureńniem adznačaje Barančyk.
Publicyst ličyć, što Łukašenka zapuściŭ va ŭładu zanadta šmat «banderaŭcaŭ», kab šantažavać Rasiju, a ciapier jany akrepli nastolki, što hatovy sami ŭziać uładu ŭ svaje ruki.
«I jak ciapier, bačačy, što surjoznych kart na rukach u Łukašenki niama, Kramlu reahavać na hety biełaruski fors-mažor? Na Zachadzie — pryznańnia niama, Makiej ŭsio pravaliŭ (a, moža, i nie vielmi chacieŭ?). Unutry krainy — bardak, čynoŭniki vyjšli z-pad kantrolu, nie siońnia dyk zaŭtra miascovyja nieabanderaŭcy pad kiraŭnictvam biełaruskaha Pašyniana vyjduć na Majdan,
pierakryjuć centr Minska, a doŭhaterminovyja kantrakty na naftu pa lhotnych cenach buduć užo padpisanyja. Dziela čaho? Kab finansavać potym dziesiać hadoŭ biełaruskich nieabanderaŭcaŭ va ŭładzie i adtok nasielnictva z respubliki?» — zadajecca pytańniami «Rehnum».
Kaniečnie, nie abyšłosia, na dumku Barančyka, tut i biez kiraŭnika MZS Uładzimira Makieja, jaki i byŭ režysioram hetaha ŭsiaho. «Makiej całkam pierajhraŭ Łukašenku intelektualna», — adznačaje aŭtar.
Voś takoj atrymałasia čarhovaja častka nienavukovaj fantastyki ab Biełarusi ŭ vykanańni čarnasocienskaha resursu.
«Jana pahražała mnie fizična, napadała seksualna». Alaksandr Rybak skardzicca na stałkierku3
Kamientary