Alaksandr Łukašenka daŭ zhodu na pryznačeńnie Andreja Žyškieviča staršynioj praŭleńnia Banka raźvićcia Biełarusi, piša BiełTA.
Raniej pasadu kiraŭnika Banka raźvićcia zajmaŭ Siarhiej Rumas.
Da ciapierašniaha času Andrej Žyškievič uznačalvaŭ Minski tranzitny bank (MTBank). Kiraŭnik dziaržavy pry razhladzie kadravaha pytańnia adznačyŭ, što na hetuju pasadu było šmat kandydatur, adnak Andreja Žyškieviča rekamiendavali staršynia praŭleńnia Nacyjanalnaha banka i ministr finansaŭ.
Jak raspavioŭ pradstaŭnikam ŚMI Andrej Žyškievič, pry ŭzhadnieńni pryznačeńnia Alaksandr Łukašenka vykazaŭ upeŭnienaść, što bank praciahnie zajmać aktyŭnuju pazicyju z punktu hledžańnia realizacyi važnych dla raźvićcia krainy prajektaŭ. U tym liku adnym z asnoŭnych napramkaŭ jaho dziejnaści zastaniecca padtrymka ekspartu.
Žyškievič Andrej Kazimiravič naradziŭsia ŭ 1973 hodzie ŭ vioscy Babrova Dubrovienskaha rajona. U 1995 hodzie skončyŭ BDU pa śpiecyjalnaści «prahramnaje zabieśpiačeńnie vyličalnaj techniki i aŭtamatyzavanych sistem», a taksama pa śpiecyjalnaści «ekanamičnaja kibiernietyka», u 1998 hodzie — jurydyčny fakultet, u 2002-m - aśpiranturu NDI ekanomiki Minekanomiki Biełarusi. Majuć vučonuju stupień kandydata ekanamičnych navuk.
U 1995—1999 hadach zajmaŭ roznyja pasady ŭ Biełźniešekanambank, s1999 pa 2001 hod pracavaŭ u Banku mižnarodnaha handlu i inviestycyj, z 2002 pa 2005 hod - namieśnik staršyni praŭleńnia ZAT «Minski tranzitny bank». Kiravaŭ MTBankam z sakavika 2005 hoda
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary