Ułada99

Hierasimienka, Jarmošyn, Paŭłaŭ, Ładućka, Šorac. Jak skłaŭsia los byłych meraŭ Minska paśla adstaŭki?

Novym staršynioj Minharvykankama staŭ ministr transpartu Anatol Sivak.

Anatol Sivak. Fota Vadzima Zamiroŭskaha, Tut.by

Čytajcie: Piać faktaŭ pra novaha mera Minska Anatola Sivaka

Jahonamu papiaredniku Andreju Šorcu Łukašenka paabiacaŭ novuju pasadu, nie takuju adkaznuju.

«Dadać tak, jak heta treba, jon nie moža. Ja heta adčuvaju. Tamu mnoj pryniata rašeńnie ab pieravodzie jaho na inšuju pracu», — rastłumačyŭ kiraŭnik dziaržavy. Novaje miesca pracy Šorca pakul nie vyznačana.

A kudy adpraŭlalisia paśla adstaŭniki inšyja były mery Minska?

Alaksandr Hierasimienka (1991-1995)

U saviecki čas uradženiec Uzdy Alaksandr Hierasimienka išoŭ pa partyjnaj linii. Niezaležnaść Biełarusi jon sustreŭ staršynioj Minskaha haradskoha savieta narodnych deputataŭ i staršynioj Minharvykankama.

Paśla adstaŭki z pasady Hierasimienka pačaŭ dypłamatyčnuju karjeru. Piać hadoŭ jon byŭ pasłom u Bałharyi, paśla šeść hadoŭ namieśnikam ministra zamiežnych spraŭ i, narešcie, siem hadoŭ pasłom u Łatvii.

U 2017 hodzie Hierasimienka pamior.

Uładzimir Jarmošyn (1995-2000)

Adzin ź niamnohich, chto pajšoŭ na pavyšeńnie. Paśla pracy meram Minska Jarmošyn (nie maje dačynieńnia da staršyni CVK Lidzii Jarmošynaj) paŭtara hoda ŭznačalvaŭ urad.

Jarmošyn — uradženiec Razanskaj vobłaści, u Biełaruś jon patrapiŭ u 23 hady. «Ja ruski čałaviek, vierny Biełarusi», — kazaŭ jon.

Jon doŭhi čas pracavaŭ na Minskim zavodzie hramadzianskaj avijacyi, a ad pačatku 1990-ych pajšoŭ va vykanaŭčuju ŭładu.

Paśla trahiedyi na Niamizie ŭ 1999 hodzie Jarmošyn paprasiŭsia ŭ adstaŭku, ale Łukašenka pakinuŭ jaho kiraŭnikom Minska.

Pabyŭšy premjer-ministram, Jarmošyn pačaŭ pracavać na rasijski biznes. Byŭ kiraŭnikom pradstaŭnictva MTS u Biełarusi, paśla pierajechaŭ u Maskvu. Jašče praź niejki čas viarnuŭsia ŭ Biełaruś daradcam kiraŭnika «Źniešekanombuda». Ciapier Jarmošynu 76 hadoŭ, ale namienkłaturnyja suviazi jon zachoŭvaje.

Michaił Paŭłaŭ (2000-2009)

Badaj samy zapaminalny staršynia Minharvykankama. Jaho, uradženca Škłoŭskaha rajona, pieraviali ŭ stalicu z pasady mera Baranavičaŭ. A pierad tym jon doŭhi čas uznačalvaŭ Baranavicki zavod handlovaha mašynabudavańnia.

Mienavita pra Paŭłavie ŭ Minsku była abvieščana vajna kijoskam na vulicach — pieramožnaja vajna.

Paŭłaŭ pamior u 57 hadoŭ ad ankałohii. Ciažkaja chvaroba i była pryčynaj adstaŭki.

Jaho imieniem nazvany park pamiž Malinaŭkaj i Paŭdniovym Zachadam. Siamja žyvie ŭ katedžy ŭ Drazdach.

Mikałaj Ładućka (2009-2014)

Na praciahu hoda, pakul Michaił Paŭłaŭ byŭ jašče žyvy, Ładućka byŭ vykanaŭcam abaviazkaŭ mera.

Jon — adziny sa śpisu karenny minčuk.

Ładućka rabiŭ karjeru ŭ budoŭli, uznačalvaŭ Upraŭleńnie kapitalnaha budaŭnictva Minharvykankama.

Praź piać hadoŭ pracy na čale stalicy jaho z hańbaj vyhnali z meraŭ u dyrektary stratnaha «Motavieła», tam jon pracuje i dahetul. Paśpieŭ atrymać ziamlu pad katedž u Drazdach.

Andrej Šorac (2014-2018)

Kolišni kiraŭnik adnaho ź viciebskich rajonnych kamitetaŭ Biełaruskaha patryjatyčnaha sajuza moładzi ŭvarvaŭsia ŭ kiraŭniki Minska z pasady ministra žyllova-kamunalnaj haspadarki.

Jaho hałoŭnaje novaŭviadzieńnie — stvareńnie partała 115.bieł. Na jakim možna pakidać zajaŭki na vypraŭleńnie lubych chibaŭ u horadzie — ad złamanych parenčaŭ da vykručanych lampačak. I schiema realna pracuje.

Kamientary9

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii1

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Usie naviny →
Usie naviny

Paśla 2 hadoŭ źniavoleńnia vyjšaŭ na volu staršynia AHP Mikałaj Kazłoŭ9

Borys Džonsan raskazaŭ, u čym źmiest mirnaha płana Donalda Trampa pa Ukrainie7

Łukašenka: My «kinuli jakar» u Rasii i Kitai, ale treba znachodzić šlachi supracoŭnictva i ź ES4

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu12

Namieśnik kiraŭnika MZS Polščy nazvaŭ try ŭmovy narmalizacyi adnosin ź Minskam9

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

bolš čytanych navin
bolš łajkanych navin

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii1

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Hałoŭnaje
Usie naviny →