Na papularnym rasijskim sajcie Lenta.ru źjaviŭsia artykuł «Nadziejny siabar», u jakim aŭtar apisvaje, jak Łukašenka nibyta dapamahaje Ukrainie vajavać na Danbasie i pradaje jaje tavary Rasii.

Pierakazvać artykuł nie maje sensu, tam ahučany standartnyja pretenzii ŭ bok Biełarusi. Maŭlaŭ, naša kraina, niahledziačy na chaŭrus z Rasijaj pradaje ŭkrainskaj armii zbroju, vajskovaje abstalavańnie, techniku, paliva, a taksama padtrymlivaje ŭkrainskuju kantrabandu ŭ abychod rasijskich sankcyj. Jak nahadvaje vydańnie, Biełaruś taksama nie pryznała Krym rasijskaj terytoryjaj de-jure.

Admietna, što aŭtaram materyjału źjaŭlajecca Maksim Siamionaŭ, aśpirant rasijskaj Vyšejšaj škoły ekanomiki. Navukovym kiraŭnikom Siamionava źjaŭlajecca Andrej Suzdalcaŭ, jakoha vysłali ŭ 2006 hodzie ź Biełarusi z farmuloŭkaj «staviŭ pad pahrozu nacyjanalnuju biaśpieku».

Cikava, što Siamionaŭ u svaim artykule pracytavaŭ svajho navukovaha kiraŭnika Suzdalcava, a taksama inšaha supracoŭnika Vyšejšaj škoły ekanomiki Dźmitryja Bałkunca, jaki pachodzić ź Biełarusi.

Raniej Siamionaŭ publikavaŭ u Lenta.ru materyjały na ŭkrainskuju tematyku, zahałoŭki jakich krasamoŭna śviedčać pra ich prykładny źmiest.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?