U Staŭbcoŭskim rajonie lehkavik naśmierć kiroŭcu, jaki vyjšaŭ na darohu pa dapamohu. Pra heta BIEŁTA paviedamili va UDAI UUS Minabłvykankama.

Avaryja adbyłasia 22 listapada kala 2.00 na 277-m km aŭtadarohi M1. «34-hadovy kiroŭca aŭtamabila Mercedes Benz pry vyjeździe na transpartnuju raźviazku da trasy źjechaŭ u kiuviet, ale nie paškodziŭ aŭtamabil. Samastojna vyjechać u jaho nie atrymałasia. Tamu jon vyjšaŭ na prajeznuju častku, kab spynić mašynu i paprasić dapamohi. Tam jaho ŭ pałasie razhonu źbiła «Škoda Fielicyja», jakoj kiravała 57-hadovaja žančyna, jakaja ruchałasia ŭ bok Minska», - raspaviali ŭ DAI.

U vyniku DTZ mužčyna zahinuŭ na miescy. Jak adznačyli ŭ DAI, mahčyma, trahiedyi na darozie ŭdałosia b paźbiehnuć, kali b mužčyna byŭ u kamizelcy pavyšanaj bačnaści.

Клас
0
Панылы сорам
0
Ха-ха
0
Ого
0
Сумна
0
Абуральна
0