U kamitecie pa pravach čałavieka AAN razhladajuć skarhu pa spravie maładziečanskaj školnicy, što zahinuła na sielhasrabotach
Kamitet pa pravach čałavieka AAN pryniaŭ da razhladu skarhu ad imia baćkoŭ školnicy Viktoryi Papčeni, jakaja zahinuła na ŭborcy bulby vosieńniu 2016 ha. Pravaabaroncy chočuć damahčysia poŭnaj zabarony na pryciahnieńnie dziaciej da sielhasrabot u Biełarusi, piša tut.by.
Jašče ŭ krasaviku pravaabaronca Leanid Sudalenka nakiravaŭ u kamitet AAN skarhu ad imia baćki dziaŭčynki. 19 listapada zvarot byŭ zarehistravany tam pad numaram 3265/2018. Dakumient apublikavaŭ centr «Homielskaja viasna».
Pavodle pracedury, skarha budzie aficyjna nakiravana dziaržavie dla padrychtoŭki adkazu pa sutnaści. Na heta praduhledžany termin da 180 dzion.
Siamja Papčenia prosić pryznać: dziaržava pazbaviła dzicia prava na žyćcio praz vykarystańnie dziciačaj pracy. Pracu dziaciej treba zabaranić u Biełarusi jak na ŭzroŭni zakona, tak i na praktycy.
29 vieraśnia 2016 hoda padčas uborki bulby pad Maładziečna zahinuła vučanica 8-ha kłasa 13-hadovaja Viktoryja Papčenia - na jaje najechaŭ hruzavik. Kiroŭcu asudzili da 3 hadoŭ abmiežavańnia voli. A dvuch nastaŭnikaŭ škoły za niedahlad da 2 hadoŭ abmiežavańnia voli biez nakiravańnia ŭ papraŭčuju ŭstanovu.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary