Biorpi« ŭžo paśpieli palubić i źnienavidzieć piša msn.com. Usio čaściej heta praktykavańnie možna pabačyć u Instagram viadomych spartsmienaŭ. Dla jaho nie treba ni dadatkovych vahaŭ, ni ryštunku − tolki ty i tvajo cieła. Ŭpaści − padskočyć. Hučyć nie vielmi składana. Dyk ci zdolnyja ŭsiaho 50 biorpi ŭ dzień prymusić vaša cieła źmianicca ŭ lepšy bok?
Što takoje biorpi?
Heta praktykavańnie prydumali jašče ŭ 30-ch hadach minułaha stahodździa amierykanskija navukoŭcy jak test na fizičnaje raźvićcio vajskoŭcaŭ. Ciapier jano ŭvachodzić u prahramy trenirovak dla tych, chto abaviazany mieć vysokuju fizičnuju pracazdolnaść: pažarnyja, śpiecpadraździaleńni, prafiesijnyja spartsmieny. A ŭsio tamu, što heta funkcyjanalnaje praktykavańnie, u jakim zadziejničany ŭsie hrupy ciahlic: ruki, hrudzi, kvadrycepsy, jahadzičnyja ciahlicy, bicepsy, ściohny i brušny pres.
Raźbiaremsia, z čaho składajecca biorpi. Varta skazać, što varyjacyj u jaho moža być mnostva, i vy možacie vybrać tuju, jakaja vam bolš spadabajecca. Ale kłasičnaje praktykavańnie vyhladaje tak, jak na zdymku ź Vikipiedyi:
Pieravahi
Praktykavańnie raźvivaje nie tolki ciahavitaść, ale i siłu i kaardynacyju. Akramia taho, pakolki dla jaho vykanańnia vam nie spatrebicca dadatkovaha abstalavańnia, zajmacca možna dzie zaŭhodna. Jašče adzin biassprečny plus biorpi — paskareńnie mietabalizmu, kałoryi buduć spalvacca i paśla treniroŭki.
Jak pravilna vykonvać?
Pačać abaviazkova treba z razahrevu. 5-chvilinnaja raźminka dla vašych sustavaŭ dakładna nie pieraškodzić.
Vaša zadača ŭ tym, kab zrabić maksimalnuju kolkaść praktykavańniaŭ u adviedzieny čas, jaki vyznačajecca vašaj fizičnaj padrychtoŭkaj. Naprykład, heta mohuć być 30 siekund intensiŭnaj nahruzki z 10 siekundami adpačynku ci 3 chviliny z chvilinnym pierapynkam.
Jakija jość varyjacyi?
Samy prosty varyjant — biez skačkoŭ i adciskańniaŭ, ź jaho možna pačać. Uskładnienymi varyjantami mohuć być źmieny napramkaŭ ŭ skačku, zaskokvańnie na płatformu, ŭdary nahami abo paciažeńnie z hantelami. Abmiažoŭvajemsia tolki svajoj fantazijaj.
Za kamientary i ŭdzieł u pratestach zatrymali brata palitviaźnia. Jon niadaŭna viarnuŭsia z Polščy2
Kamientary