Hrupa navukoŭcaŭ z Francuzskaha instytuta Uschodniaj archieałohii ŭ Kairy i Livierpulskaha ŭniviersiteta ŭ Anhlii vyjavili pryładu, z dapamohaj jakoj staražytnyja jehipcianie, vierahodna, pabudavali piramidy, piša Science Alert.
U adnym z karjeraŭ kala Łuksora, dzie jehipcianie zdabyvali alebastr, archieołahi znajšli ślady pandusa, jaki moh vykarystoŭvacca dla ŭźniaćcia vialikich hruzaŭ. Pryblizny ŭzrost znachodki — nie mienš za 4,5 tysiačy hadoŭ.
U centry kanstrukcyi znachodziłasia nachilenaja placoŭka, abapał jakoj byli leśvicy i adtuliny. U adtuliny mahli ŭstaŭlać draŭlanyja słupy, vakoł jakich abkručvali viaroŭki. Šmattonnyja błoki zamacoŭvalisia na draŭlanych «sankach». Paśla hetaha budaŭniki ciahnuli za viaroŭki i pieramiaščali błoki pa placoŭcy ŭvierch pad vuhłom 20 hradusaŭ.
Navukoŭcy i raniej mierkavali, što staražytnyja jehipcianie vykarystoŭvali padobnyja kanstrukcyi, ale vyjavili takuju sistemu ŭpieršyniu.
Jehipieckija piramidy — adny z samych staražytnych kamiennych zbudavańniaŭ na Ziamli. Bolšaja častka ź ich heta pachavańni faraonaŭ.
Samyja viadomyja piramidy znachodziacca na ŭskrainie Kaira ŭ Hizie. Najbujniejšaja — piramida Chieopsa, adziny zachavany ź siami cudaŭ śvietu.
-
Śviatkavać treci padzieł Rečy Paspalitaj, dapłačvać Hihinu i adsunuć Marzaluka: jak Rasija choča pierapisać historyju Biełarusi
-
U 1942 hodzie ŭ Mahilovie zdaryłasia bujnaja technahiennaja avaryja. Historyk padrychtavaŭ pra jaje knihu
-
Jak biełarusy žyli pa draŭlanym kalendary. Usio žyćcio źmiaščałasia na prostym kijku
Zdajuć u arendu katedž zahinułaha chakieista Cypłakova ŭ Drazdach. Voś interjery FOTY19
Kamientary