Kitajska-biełaruski industryjalny park «Vialiki kamień» moža stać spadarožnikam Minska, paviedamiŭ pieršy namieśnik hienieralnaha dyrektara SZAT «Kampanija pa raźvićci industryjalnaha parka» Kirył Karaciejeŭ u prahramie «Tydzień» na telekanale STB, paviedamlaje BIEŁTA.

«My majem daručeńnie kiraŭnika dziaržavy adpracavać hetuju temu. My padrychtavali šerah infrastrukturnych prapanoŭ. Siońnia razmova idzie pra budaŭnictva darohi da Vaŭpšasava ŭ Minsku. I faktyčna toj kavałak, jaki ŭnutry parku, my ŭžo budujem», — skazaŭ Kirył Karaciejeŭ. Bolš doŭhaterminovaje pytańnie — pra budaŭnictva chutkasnaha tramvaja, chutkasnaha mietro, jakija źviažuć park, Minsk i aeraport.

U industryjalnym parku budzie ŭźviedzieny pieršy žyły dom na 156 kvater. Nastupnym krokam stanie budaŭnictva balnicy. U pierśpiektyvie na terytoryi parku płanujecca pabudavać kala 120 tys. kv.m žylla. Heta buduć jak šaścipaviarchovyja damy, tak i adnapaviarchovyja budynki.

Клас
0
Панылы сорам
0
Ха-ха
0
Ого
0
Сумна
0
Абуральна
0