Darja Domračava: Ja za raŭnapraŭje, ale z hołymi hrudźmi zmahacca za pravy žančyn nie pabiahu
Čatyrochrazovaja alimpijskaja čempijonka pa bijatłonie Darja Domračava ŭ intervju časopisu «Bolšoj» raspaviała pra svajo staŭleńnie da fieminizmu.
«Ja nie mahu ŭjavić, što pabiahu z hołymi hrudźmi pratestavać abo zmahacca za pravy žančyn. Viadoma, ja za raŭnapraŭje, ale pazicyi fieministak mnie zdajucca krychu ekstremalnymi. Ja nie adčuvaju cisku.
Raŭnapraŭje — samo saboj, ale ŭsio-tki pavinna isnavać niejkaja roźnica pamiž mužčynami i žančynami. Biezumoŭna, zdolnaść žančyny prynosić u śviet novych žycharoŭ ziamli — heta, napeŭna, asnoŭny dar, jaki jana atrymlivaje ad pryrody. Ale absalutna dakładna viedaju, što i ŭ inšych halinach, zdavałasia b, nie žanočych, žančyna zdolnaja časam navat na bolšaje, čym mužčyny.
I naadvarot, niekatoryja mužčyny apiaredžvajuć žančyn u pryznačanych dla ich (žančyn) socyumam prafiesijach.
A toj miažy, jakaja isnuje pamiž mužčynam i žančynaj, ścirać nielha, ja za žanockaść, za mocnuju žanockaść», — skazała Domračava.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?10
Kamientary