U Finlandyi adkryli miemaryjalny znak Janku Kupału FOTA
U finskim horadzie Imatra ŭračysta adkryli miemaryjalny znak narodnamu paetu Biełarusi Janku Kupału. Pra heta BIEŁTA paviedamili ŭ pasolstvie Biełarusi ŭ Finlandyi.
U mierapryjemstvie ŭziali ŭdzieł mer horada Kaj Rosłakka, pasoł Biełarusi Alaksandr Astroŭski, namieśnik staršyni rady Biełaruskaha fondu kultury Anatol Butevič, dyrektar Dziaržaŭnaha litaraturnaha muzieja Janki Kupały Alena Laškovič, a taksama pradstaŭniki ŚMI, tvorčaj intelihiencyi i biełaruskaj dyjaspary.
U honar hetaj padziei ŭ budynku zimovaha sadu haradskoj meryi adkryłasia vystava «Nad Imatraj» z fondaŭ Kupałaŭskaha muzieja, jakaja raskazvaje pra žyćcio i tvorčaść paeta.
Pamiatny znak stvorany biełaruskim skulptaram Paŭłam Vajnickim. Prajekt byŭ realizavany pa inicyjatyvie Ministerstva kultury i Ministerstva zamiežnych spraŭ Biełarusi pry padtrymcy haradskoha schodu Imatra.
Janka Kupała 21-22 červienia 1910 hoda razam z vydatnymi dziejačami biełaruskaha nacyjanalnaha adradžeńnia ździejśniŭ padarožža ŭ Finlandyju pa maršrucie Sankt-Pieciarburh — Teryoki — Vybarh - Imatra. Natchniony vyhladam vieličnaha vadaspadu na race Vuoksa, jon napisaŭ vierš «Nad Imatraj», jakoje ŭpieršyniu było nadrukavana ŭ «Našaj Nivie» 22 lipienia 1910 hoda i ŭvajšło ŭ treci paetyčny zbornik pieśniara «Šlacham žyćcia» (1913). U 2010 hodzie vierš byŭ pierakładzieny na finskuju movu.
Kamientary