Zdareńni77

«Strašna, vyklikajcie padmohu, milicyjantaŭ nie čuvać». Susiedzi raspaviali pra incydent sa stralboj u nahu debašyra

U minskaj milicyi śćviardžajuć, što ŭ paniadziełak padčas terminovaha vykliku ich supracoŭnik vymušany byŭ vykarystać zbroju, kab uziać situacyju pad kantrol. «Biełsat» źjeździŭ na miesca zdareńnia, kab parazmaŭlać z susiedziami «šumnaj kvatery» i vyśvietlić abstaviny zdareńnia.

Čytajcie taksama: U Minsku mužčyna z pjanaj kampanii adbiraŭ u milicyjanta pistalet — i jamu prastrelili nahu

Žychary doma pa vulicy Miadziołki ŭ Miensku raspaviali nam, što ichniaje žyllo — arendnaje. Kvateru, u jakoj šumieła kampanija, zdymaŭ pažyły mužčyna, jaki pražyvaje adzin. Adnak u dzień zdareńnia ź jaje danosilisia hałasy niekalkich asobaŭ.

«Z 12 dnia mama była ŭžo doma. Jany ŭvieś hety čas šumieli, butelkami kidalisia z voknaŭ, u tambury stajaŭ adkryty ałkaholny «štyn». Mama raskazvała, što pakul mianie nie było, jany vychodzili ŭ padjezd bicca pamiž saboj. Šum pačaŭ adkryta pałochać, jaho stali čuć ludzi ź inšych pavierchaŭ. Za paŭhadziny da majho prychodu, u 6.30 viečara, mama vyklikała milicyju», — raspaviała susiedka pa leśvičnaj kletcy, jakaja pažadała zastacca ananimnaj.

Kala 7 hadzinaŭ viečara prybyli dva maładyja milicyjanty, jany paprasili kampaniju pradjavić dakumienty.

«Byccam zajšli ŭ kvateru, usio narmalna. Chvilin praz 10-15 čujem — bojka adkrytaja, z mužčynskimi krykami. Ja realna pieražyvała, što «navalali» ŭžo hetym milicyjantam. Tamu što kolki ŭ kvatery čałaviek — było niezrazumieła. Heta potym daviedalisia, što tam było piać mužčynaŭ».

Paśla bojki iznoŭ usio ścichła. Praź dziesiać chvilin na chatni telefon patelefanavała dyśpietčar ź milicyi.

Akryvaŭleny bint na miescy zdareńnia

«Skazała, što źnikła suviaź z supracoŭnikami. I paprasiła pajści, pasłuchać pad dźviery, što ŭ ich tam adbyvajecca. Mama adkazvaje: «Vy što, zvarjacieli? Strašna. Vyklikajcie dapamohu, vašych chłopcaŭ tam nie čuvać», — uspaminaje dziaŭčyna. — U tuju ž siekundu my pačuli streły. I kryki: «Naha, naha». Tak my zrazumieli, što narešcie ŭsio skončyłasia».

Adčynienyja vokny ŭ kvatery, dzie adbyŭsia incydent. Fota Iryna Arachoŭskaja, Belsat.eu

Paźniej z razmovy supracoŭnikaŭ pravaparadku vyśvietliłasia, što debašyry sprabavali zabrać u ich tabielnuju zbroju, a adnaho ź milicyjantaŭ začynili na bałkonie. Heta paćviardžaje susiedka Ała, jakaja žyvie paviercham nižej. Jana čuła bojku na bałkonie i pahrozy adnaho z mužčyn vykinucca z akna. Žančyna dadała, što žychary padjezdu źviarnuli ŭvahu na šum jašče na vychodnych. A naohuł u hetaj kvatery hučnyja debošy adbyvajucca nie pieršy raz.

«My siudy zasialilisia napiaredadni Novaha hodu. Tady niekalki razoŭ čuła dziŭnyja huki, kryki žanočyja: «Zabivajuć, vyratujcie-dapamažycie». Ja kazała susiedziam, ale my nijak nie mahli vyznačyć, chto kryčaŭ. Tut takaja čutnaść, što nie zrazumieješ. To tam čuvać, to tam», — raspaviała Ała.

«Akazałasia, što niezadoŭha da zdareńnia ŭ nas u padjeździe byli vypadki kradziažoŭ. A adna z žančyn, jakaja znachodziłasia ŭ hetaj kvatery, na dniach vyjšła z turmy», — dadała druhaja dziaŭčyna.

Z haspadarom kvatery na suviaź vyjści nie ŭdałosia. Susiedzi ničoha nie viedajuć pra jaho miescaznachodžańnie. U ahulnaj hrupie žycharoŭ padjezda ŭ internecie mužčyny niama.

Ciapier šaściora hramadzian znachodziacca ŭ centry izalacyi pravaparušalnikaŭ HUUS Minharvykankamu, a chulihan sa skraznym ranieńniem levaj halonki — u špitali. Z pryčyny incydentu zaviedzienaja kryminalnaja sprava.

Kamientary7

Padrabiaznaści teraktu Kryhiera pad Aziaryščam — razburanyja špały i nivodnaha paranienaha2

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Usie naviny →
Usie naviny

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam8

Čamu Bajden vyrašyŭ vyjści z honki? Voś što pra heta pišuć suśvietnyja miedyja2

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu4

Kamała Charys zaručyłasia davieram usich lidaraŭ Demakratyčnaj partyi1

Kamału Charys užo padtrymali Klintany, Abama maŭčyć

Jak apytańni aceńvajuć šansy Kamały Charys pieramahčy Donalda Trampa na vybarach u ZŠA1

Afiora na 3 młrd: Nestlé hadami pradavała vadu z krynic ź fiekalijami i bakteryjami pad vyhladam pryrodnaj minieralnaj9

bolš čytanych navin
bolš łajkanych navin

Padrabiaznaści teraktu Kryhiera pad Aziaryščam — razburanyja špały i nivodnaha paranienaha2

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Hałoŭnaje
Usie naviny →