Ministr suviazi i infarmatyzacyi Biełarusi Kanstancin Šulhan vykazaŭsia pra stanovišča «Biełtelekama» i «Biełpošty» na rynku pasłuh suviazi Biełarusi ŭ efiry prahramy «Hutarka ŭ prezidenta» na telekanale «Biełaruś-1».
Viadučaja zadała ministru pytańnie ab tym, ci možna vyvieści rynak stacyjanarnaj suviazi i pošty «z manapolii ŭ kankurentnaje asiarodździe».
«Manapolija «Biełtelekama» i «Biełpošty» ŭžo nie daŭno — adnosna daŭno — nie isnuje, — adkazaŭ Kanstancin Šulhan. - Jość licenzijaty ministerstva, jakija zajmajucca anałahičnym vidam dziejnaści. Ab manapolii my ŭžo nie havorym. Pradastaŭleńnie taho ž internetu, fiksavanaj suviazi pravodzicca i inšymi arhanizacyjami, vy možacie vybirać. Sapraŭdy hetak ža, jak i paštovyja pasłuhi».
Pa słovach ministra, kankurencyja pryvodzić da panižeńnia cen na pasłuhi.
«Ale ja jašče chacieŭ by skazać, što cana - heta nie zaŭsiody asnoŭnaje. Asnoŭnaje - heta toje, jak jakasna vam hetuju pasłuhu padali. Za minimum hrošaj atrymać nie toje, što vy žadali … Ja dumaju, vy nie pahodziciesia na takuju pasłuhu. Ja mieŭ na ŭvazie, što pradpryjemstvy sistemy Minsuviazi buduć pracavać nad tym, kab jakaść pasłuhi nasielnictvu pavialičvałasia».
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary