Palicyja zatrymała 46-hadovaha rabaŭnika-recydyvista Reduana Faida, jaki ŭ pačatku lipienia źbieh z turmy niedaloka ad Paryža na viertalocie. Pra heta paviedamiŭ ministr unutranych spraŭ Francyi Žerar Kałon u svaim Twitter.
Interpellation de Redoine Faïd : les fonctionnaires de la PJ ont démontré leur engagement, leur pugnacité et leur détermination à faire respecter la loi de la République.
Ils ont mon admiration comme l'ont les 250 000 policiers et gendarmes qui servent chaque jour notre pays.
Faid, jaho brat i jašče dvoje členaŭ jaho siamji byli aryštavanyja ŭviečary 2 kastryčnika ŭ horadzie Krej na poŭnačy Francyi, adznačaje LCI. Palicejskija kanfiskavali ŭ ich zbroju.
Faid i jašče troje ŭzbrojenych złačyncaŭ źbiehli z turmy kala kamuny Rea ŭ rehijonie Il-de-Frans 1 lipienia na viertalocie Allouette. Paśla ŭciokaŭ jany pryziamlilisia ŭ municypalitecie Harž-le-Honiess, spalili viertalot i schavalisia.
Faid ŭ 1990-ch hadach byŭ vierchavodam paryžskaj bandy, jakaja zajmałasia rabavańniami i vymahalnictvam, u 2001 hodzie jaho prysudzili da 30 hadoŭ turmy za ŭzbrojenaje rabavańnie. U 2009 hodzie Faid byŭ umoŭna-daterminova vyzvaleny, užo ŭ 2010 hodzie jon znoŭ trapiŭ za kraty paśla sproby rabavańnia braniravanaha furhona. U 2013 hodzie Faid źbieh z turmy, zachapiŭšy čatyroch zakładnikaŭ i padarvaŭšy niekalki dźviarej papraŭčaj ustanovy.
Palitviazień pravioŭ paŭtara hoda ŭ SIZA — voś jak jon vyhladaŭ paśla hetaha10
Kamientary