Najbujniejšy bank Danii Danske Bank apublikavaŭ spravazdaču ab tym, jak praź jaho estonski ofis byli admyty miljardy z Rasii i inšych krain — byłych respublik SSSR, paviedamlaje LIGA.net.
Letaś prakuratura Estonii pačała rasśledavańnie pa skarzie zasnavalnika brytanskaha fondu Hermitage Capital Management Uiljama Braŭdara i jaho pradstaŭnikoŭ. Pa ich viersii, 26 supracoŭnikaŭ banka mahli być datyčnymi da ašukanskaj schiemy ŭ Rasii, jakuju raniej vyjaviŭ juryst Hermitage Capital Siarhiej Mahnicki, jaki pamior u 2009 hodzie ŭ maskoŭskim SIZA.
U Hermitage Capital Management padazravali, što ŭ schiemie ŭdzielničali vysokapastaŭlenyja rasijskija čynoŭniki.
Pradstaŭniki Hermitage Capital Management napisali zajavu na supracoŭnikaŭ Danske Bank i jaho estonskaj «dački» ŭ palicyju Danii i Estonii. Paśla rasśledavańnie suprać banka pačali paryžski sud vialikaj instancyi i finansavaja inśpiekcyja Danii. Zatym da jeŭrapiejskich pravaachoŭnikaŭ dałučylisia ZŠA.
Danske Bank u 2017 hodzie pačaŭ ŭnutranaje rasśledavańnie, ale nie publikavaŭ jaho vyniki.
Apublikavanaja spravazdača pakazała, što praz estonskuju «dačku» za pieryjad 2007-2015 hh. admyli bolš za $234 miljardy. Hety abjom u šmat razoŭ pieravyšaje raniejšyja acenki.
Z hetaj sumy bolš za $30 miljardaŭ źviazanyja z Rasijaj i byłymi respublikami SSSR.
Danske Bank abviaściŭ, što jaho hałoŭny vykanaŭčy dyrektar Tomas Borhien syšoŭ u adstaŭku praz skandał.
Sam bank adznačaje, što Borhien nie stvaraŭ pieraškod rasśledavańniu, i što jon ni ŭ čym nie parušyŭ svaje słužbovyja abaviazki.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?13
Kamientary