Zaŭsiody chacieli naviedać Arabskija Emiraty, ale biantežyła cana na vizu (bolš za 100$)? Ale ciapier usio źmianiłasia, ciapier kožny zmoža aformić tranzitnuju vizu na 48 hadzin biaspłatna abo na 4 dni za nievialikija hrošy. Takoje rašeńnie pryniali ŭ MZS AAE, pišuć vandrouki.by.
Dla afarmleńnia spatrebicca zapoŭnić ankietu, zahruzić kopii pašparta, fota kvitka (z vyletam u treciuju krainu na praciahu 48 hadzin) u elektronnym vyhladzie. Prykładny čas afarmleńnia viz na sajcie — 24 hadziny (biez uliku vychadnych dzion i śviataŭ AAE).
Kali ŭ vas tranzit u Abu-Dabi nie bolšy za 24 hadzin, to tranzitnuju vizu AAE možna atrymać biaspłatna i pa prylocie ŭ mižnarodny aeraport Abu-Dabi. Ale ŭsio ž rekamienduć afarmlać vizu zahadzia, kab paźbiehnuć čerhaŭ na atrymańnie vizy pa prylocie. Košt tranzitnaj vizy z terminam znachodžańnia 96 hadzin, jak paviedamlałasia raniej, istotna źnižany i składaje 14 dalaraŭ ZŠA (50 AED).
Kamientary