Partał TuzinFM.by praciahvaje prajekt, pryśviečany pamiaci represavanych u 1930-ch biełaruskich tvorcaŭ. Rychtujecca knižnaje vydańnie z muzyčnym dadatkam, projduć novyja lekcyi z vystupami muzykaŭ u Minsku i prezientacyi ŭ rehijonach. 

«(Nie)rasstralanyja» — praciah prajektu, jaki paklikany viarnuć imiony i tvory represavanych dziejačaŭ biełaruskaj kultury ŭ sučasny dyskurs. Rychtujecca da druku ŭnikalnaje vydańnie, u jakoje ŭvojdzie 18 historyjaŭ žyćcia represavanych biełaruskich litarataraŭ, bolš za sto abranych tvoraŭ dy kala sotni archiŭnych fotazdymkaŭ, častka ź jakich budzie apublikavanaja ŭpieršyniu. Taksama da knihi budzie dałučany muzyčny CD-dadatak ź pieśniami na słovy hierojaŭ prajektu. Abjom knihi — bolš za 300 staronak. Azdableńniem vydańnia zajmajecca dyzajnierka Nasta Šastak.

Padtrymać prajekt/zamović knihu možna pa spasyłcy

Nad vydańniem pracujuć znanyja daśledčyki litaratury i kultury, jakija ŭpieršyniu ŭ historyi sučasnaj Biełarusi padrychtavali i pračytali adkrytyja lekcyi pra hierojaŭ hetaha prajektu. 12 lekcyjaŭ prajšli ŭ 2017 hodzie ŭ kniharni «Łohvinaŭ». Uvosień 2018 hodu ŭ miežach prajektu ŭ kniharni «Łohvinaŭ» adbudziecca 6 novych lekcyjaŭ. Prezientacyi prajektu z adkrytymi lekcyjami zapłanavanyja taksama va ŭsich abłasnych haradach.

«My chočam kab tvory zakatavanych piśmieńnikaŭ viedali, a ich tvary paznavali. Pierakanany, što kab dasiahnuć takoj mety, varta pracavać na ŭsich uzroŭniach uspryniaćcia i rabić heta hustoŭna, pryhoža i pa-sučasnamu», — kaža kiraŭnik i pradusar prajektu Siarhiej Budkin. Letaś u pieršaj častcy prajektu vieršy rasstralanych paetaŭ praz 80—100 hod paśla ich napisańnia stali pieśniami. Letaś prajšła kancertnaja prezientacyja prajektu i 12 adkrytych lekcyj z udziełam muzykaŭ, a taksama realizavany vydaviecki prajekt — sieryja z 12 «maŭklivych knih» — natatnikaŭ z vyjavami paetaŭ i cytatami ź ich tvoraŭ. U Facebook stvorana 12 piersanalnych staronak paetaŭ, kudy dadajucca ich tvory, fota i ŭspaminy.

Padtrymać prajekt i zamović sabie knižnaje vydańnie možna na Ulej.by. Pry paśpiachovaj realizacyi zadumy z knižnym vydańniem u miežach prajektu «(Nie)rasstralanyja» aŭtary abiacajuć zrabić teatralnuju pastanoŭku pavodle adnaho z tvoraŭ biełaruskaj litaratury 1930-ch.

Cačyć za navinami prajektu — Ukantakcie/Facebook/Instagram

Клас
0
Панылы сорам
0
Ха-ха
0
Ого
0
Сумна
0
Абуральна
0