«U Jeŭropie pryniata šanavać nie tolki nacyjanalnyja movy, ale i ich łakalnyja raznavidnaści. U Polščy na dyjalektach vychodziać pieryjadyčnyja vydańni, u Niamieččynie miascovyja słovy nazyvajuć handlovyja marki, u Vielikabrytanii jość mapa akcentaŭ usich kutkoŭ krainy. Biełaruś na dyjalekty nie biadniejšaja, i nam treba vučycca heta ŭśviedamlać. Rabić heta najpraściej, kali ŭsio bahaćcie — prosta pierad vačyma, — piša na sajcie natatnik.by Ina Chomič, inicyjatarka stvareńnia hukavoj mapy havorak Biełarusi.
Pieršyja zapisy, źmieščanyja na mapie, achoplivajuć pakul tolki Bieraściejščynu, bo pachodziać z ułasnych archivaŭ inicyjataraŭ. Ale dapaŭniać jaje moža kožny, dla hetaha na sajcie stvoranaja mahčymaść dasłać svoj aŭdyjozapis.
«Akramia čysta adukacyjnaha značeńnia, hukavaja mapa, my spadziajemsia, budzie mieść jašče i navukovaje, — peŭnaja Ina Chomič. — Jakasnyja zapisy z pravilna zanatavanymi dadzienymi mohuć dapamahčy ŭ pracy linhvistam, etnohrafam, kulturołaham. Tamu što my zafiksujem nie prosta huki, ale i sensy: infarmacyju etnahrafičnaha, histaryčnaha, kulturnaha i sacyjalnaha značeńnia.
Respandentami nie abaviazkova pavinny być śpievaki, narodnyja majstry abo načalniki sielsavietaŭ. Vaša rodnaja babula z chutara na dva čałavieki nie mienš značnaja krynica dla mapy. I jaje apovied pra zalacańni vašaha dzieda taksama kaštoŭny. Ci navat prosta apisańnie receptu, pa jakim jana voś ciapier, na vaš pryjezd, hatuje aładki».
Infarmacyju pra farmat i pašpartnyja dadzienyja zapisu možna pračytać niepasredna na staroncy mapy.
-
Ščadroŭku z Homielščyny viedajuć miljony ludziej pa ŭsim śviecie. U samoj Biełarusi pra jaje mała chto čuŭ
-
U čatyroch polskich haradach adbudziecca sinchronny fiestyval salidarnaści i kultury Belarus Outside Sound System
-
Reniesansny šedeŭr z Halšanaŭ nabyŭ novy vyhlad. Tak jon moh vyhladać čatyry stahodździ tamu
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?18
Kamientary