Vatykanskaja Apteka anansavała zapusk svajoj pieršaj liniejki parfiumieryi, u skład jakoj uvajšli čatyry vodary — «zołata», «kadziła», «mirra» i «ruža mistyčnaja». Pra heta sa spasyłkaj na vatykanskija ŚMI paviedamlaje catholic.by sa spasyłkaj na rublev.com.

Nazvy pieršych troch vodaraŭ pieraklikajucca ź jevanhielskim apoviedam pra Naradžeńnie Chrysta, jakomu mudracy prynieśli zołata, kadziła i mirru (Mc 2, 9-11). Ruža mistyčnaja — adno ź isnujučych u katalictvie zvarotaŭ da Božaj Maci.

Duchi vypuskajuć aptekary-banifraty — členy ordena haśpitalistaŭ śviatoha Jana Božaha, «braty miłasernaści». Na stvareńnie kalekcyi ich natchnili słovy z Knihi Prypavieściaŭ Sałamona: «Duchmianaść i kadziła radujuć serca».

Jak adznačyŭ dyrektar Vatykanskaj apteki Tomas Biniš Mułakal, 2018 hod staŭ asablivym dla jaho ŭstanovy: idzie praces reformy, jakaja dazvolić udaskanalić absłuhoŭvańnie tysiač naviedvalnikaŭ apteki Vatykana.

Zhodna ź idejaj stvaralnikaŭ parfiumiernaj kalekcyi, novyja duchi zaklikany nanoŭ adkryć dla viernikaŭ rolu vodaraŭ u chryścijanskim žyćci.

Pry stvareńni vodaraŭ supracoŭniki apteki źviartalisia da raślin, jakija zdaŭna vykarystoŭvalisia na Śviatoj Ziamli i ŭ Mižziemnamorji dla stvareńnia pachaŭ. U skład duchoŭ uvajšli kampanienty ałoe, šafrana, ruža, sandałavaha dreva, karycy, hierani, bierhamota i inš.

Vatykanskuju apteku nazyvajuć samaj zahružanaj aptekaj u śviecie: štodzień jaje supracoŭniki absłuhoŭvajuć ad 2 da 2,5 tysiač klijentaŭ. Kala pałova ź ich — žychary Vatykana, supracoŭniki Rymskaj kuryi i ich siemji. Druhaja pałova — turysty.

Da ŭłasnaj vytvorčaści apteki naležać nastupnyja tavary: krem dla praduchileńnia proležniaŭ, eliksiry z anisu i chininu, šeść vodaraŭ myła, łavandavaja vada, łaśjon suprać akne i śpiecyjalny łaśjon paśla haleńnia.

Usiaho ŭ aptecy pradstaŭlena kala 42 tysiač najmieńniaŭ — leki, srodki asabistaj hihijeny i kaśmietyki ź Italii, Šviejcaryi, Francyi, Hiermanii i ZŠA.

Клас
0
Панылы сорам
0
Ха-ха
0
Ого
0
Сумна
0
Абуральна
0