Hramadstva33

Hienprakuror Biełarusi źviarnuŭsia da hienprakurora Ukrainy ŭ suviazi sa spravaj «biełaruskaha špijona»

Juryj Palityka

Hienieralny prakuror Biełarusi Alaksandr Kaniuk źviarnuŭsia da hienieralnaha prakurora Ukrainy Juryja Łucenki z prośbaj arhanizavać pravierku pa fakcie pryčynieńnia cialesnych paškodžańniaŭ hramadzianinu Biełarusi Juryju Palityku, što ŭtrymlivajecca pad vartaj u SIZA Čarnihava. Pra heta paviedamlaje sajt biełaruskaha viedamstva.

U ciapierašni čas sud Novazavodskaha rajona Čarnihava razhladaje kryminalnuju spravu pa abvinavačvańni Juryja Palityki ŭ špijanažy. Pavodle najaŭnaj infarmacyi, maci Juryja paśla naviedvańnia syna 17 žniŭnia 2018 hoda ŭ śledčym izalatary źviarnułasia ŭ pasolstva Biełarusi va Ukrainie z zajavaj ab źbićci jaho sukamiernikam.

U chodzie konsulskaha dostupu da Juryja Palityki 23 žniŭnia 2018 hoda heta infarmacyja paćvierdziłasia. U vyniku źbićcia Juryja vyjaŭleny pierałom skronievaj kostki źleva i hiematoma pad levym vokam.

«Jak paviedamiła konsulskaja słužba, pierad incydentam, niahledziačy na piarečańni, Juryja Palityku pieraviali ŭ inšuju kamieru, pry hetym administracyja papraŭčaj ustanovy vykazvała pahrozy źmiaščeńnia jaho ŭ karcer. Ab spłanavanym charaktary zdreńnia śviedčać nie vyklikany nieabchodnaściu pieravod abvinavačanaha ŭ inšuju kamieru i małaznačnaja nahoda dla jaho źbićcia (pastaviŭ pralny parašok nie na svajo miesca)», - havorycca ŭ paviedamleńni Hienprakuratury Biełarusi.

Adznačajecca, što źbićcio Juryja Palityki adbyłosia 7 žniŭnia 2018 hoda - praź piać dzion paśla sustrečy namieśnika hienieralnaha prakurora Biełarusi Alaksieja Stuka z kiraŭnictvam Hienieralnaj prakuratury Ukrainy.

Biełaruski bok tady vykazvaŭ zaniepakojenaść situacyjaj ź Juryjem Palitykam, źviartaŭ uvahu na niedazvolenyja mietady viadzieńnia śledstva, u tym liku prymianieńnie katavańniaŭ i źniavahaŭ.

«Varta kanstatavać, što metanakiravanaje fizičnaje i psichaemacyjnaje ŭździejańnie na Juryja Palityku z metaj jaho prymusu da pryznańnia viny ŭ pradjaŭlenym abvinavačańni», - ličać u viedamstvie.

U liście Alaksandr Kaniuk zaklikaŭ ŭkrainskaha kalehu pryniać naležnyja miery pa zabieśpiačeńni ŭmoŭ utrymańnia Juryja Palityki pad vartaj, vyklučeńniu mahčymaści pravakacyj i prymianieńnia da jaho supraćpraŭnaha ŭździejańnia. Pytańnie zachavańnia padčas kryminalnaha pracesu pravoŭ Juryja Palityki znachodzicca na kantroli Hienieralnaj prakuratury Biełarusi.

Hramadzianina Biełarusi zatrymali ŭ červieni 2017 hoda va Ukrainie pa padazreńni ŭ špijanažy. Z červienia jaho trymajuć u čarnihaŭskim SIZA. Sam zatrymany svaju datyčnaść da špijonskaj dziejnaści admaŭlaje i zapeŭnivaje, što ŭsie pakazańni davaŭ pad katavańniami, nikoli nie pracavaŭ na biełaruski KDB, nie źbiraŭ sakretnyja źviestki dla Rasii.

Kamientary3

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy2

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Usie naviny →
Usie naviny

Taksistaŭ užo pačali štrafavać za vykarystańnie mašyn u asabistych metach — pa dziŭnym artykule3

Bajden nazvaŭ adzinuju ŭmovu, pry jakoj admovicca ad prezidenctva9

Adnaho z najlepšych biełaruskich trenieraŭ pa nastolnym tenisie sudziać za «sadziejničańnie ekstremisckaj dziejnaści»2

Pajšoŭ z žyćcia biełaruski vynachodnik Alaksandr Dłatoŭski

Pahladzicie, jak prykolna vyhladaje biełaruski pašpart pad ultrafijaletam13

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

bolš čytanych navin
bolš łajkanych navin

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy2

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Hałoŭnaje
Usie naviny →