Miesiendžar Paŭła Durava Telegram pahadziŭsia vydavać śpiecsłužbam pa rašeńni suda dadzienyja karystalnikaŭ, jakich zapadozrać u teraryźmie. Heta vynikaje z abnoŭlenaj staronki z palitykaj pryvatnaści miesiendžara.

Telegram źbirajecca pieradavać śpiecsłužbam IP-adrasy i numary telefonaŭ padazravanych. U kampanii adznačyli, što raniej nikoli nie raskryvali źviestki pra karystalnikaŭ. Kali heta zdarycca, to adpaviednaja infarmacyja budzie pradstaŭlena ŭ kanale Transparency Reports u spravazdačy, što publikujecca raz na paŭhoda.

Pradstaŭniki Telegram padkreślili, što miesiendžar nie stanie pradastaŭlać pierapisku i klučy dla dešyfroŭki paviedamleńniaŭ. Pazicyja pa hetym pytańni zastałasia niaźmiennaj, paviedamiŭ «Interfaksu» kiraŭnik mižnarodnaj pravaabarončaj hrupy «Ahora» Pavieł Čykaŭ. «Pavieł Duraŭ zaŭsiody kazaŭ, što pierapiska nie budzie pradastaŭlacca nijakim uładam nijakich krain», - skazaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0