Palčys raźvioŭ «Niazyhara»: napisaŭ im poŭnuju achinieju, a jany nadrukavali biez pravierki
Rasijski insajdarski telehram-kanał «Niazyhar» užo kolki tydniaŭ aktyŭna piša na temu Biełarusi. Šmat chto zaŭvažyŭ, što čym dalej, tym bolš niedarečnymi stanoviacca ich paviedamleńni.
Naprykład, učora na kanale z aŭdytoryjaj bolš za 160 tysiač čałaviek źjaviłasia infa pra tajemnyja damoŭlenaści ministra zamiežnych spravaŭ Uładzimira Makieja i staršyni KCHP-BNF Zianona Paźniaka. Akazałasia, što hety šedeŭr u žanry fentezi naležyć redaktaru sajta 1863x Eduardu Palčysu.
«Adzin z čytačoŭ 1863x padkazaŭ, što ŭ ich jość pošta, kudy možna pisać. Ceły miesiac my nazirajem roznyja dopisy pra Biełaruś. Kali pajšła adkrytaja łuchta, to źjaviłasia žadańnie ich raźvieści. Sens u tym, kab dakazać, što forma insajdaŭ, chaj jana takaja čaroŭnaja i zahadkavaja, a na spravie pościcca luboje tryźnieńnie. Hałoŭnaje — pierakanaŭča padać», — raskazaŭ «NN» Palčys.
«Ja ŭčora ciaham dziesiaci chvilin napisaŭ dva listy ŭ «Niezyhar», jany nie praviarali ničoha, nie pravodzili nijakaha faktčekinhu, nie dumali tydzień. U toj samy dzień usio zapościli! Im možna pisać lubuju achinieju — i jany buduć heta pościć.
Prablema ŭ tym, što mnohija biełarusy čytajuć mienavita rasijskija prapahandysckija miedyja. Ja daŭno kažu, što lepš čytać «Našu Nivu» i Tut.baj, kab nie padstaŭlacca pad infarmacyjnyja ataki. Ciapier my pieražyvajem čarhovuju infarmacyjnuju ataku. I najlepšy vychad — nie čytać hetaha ŭsiaho. Vypadak pra «insult» Łukašenki z toj samaj opiery.
Mnie zdajecca, što im nastolki pofih, što ŭ najlepšym vypadku jany mohuć prosta vydalić hetuju infarmacyju. U ich prosta jość zamova pisać pra Biełaruś i jany buduć pisać dalej łuchtu.
Ja śpiecyjalna rabiŭ takoje šou. Bo kožny čałaviek, jaki chacia b paru hadoŭ čytaje naviny pra Biełaruś, razumieje, što heta poŭnaje aby-što. Ja pasprabavaŭ prosta dziela prykoła, ale jany hatovyja stavić lubuju čuchniu», — raskazaŭ błohier.
«Zašmat u vas dziaciej». Jak žyvie siamja ź siamiu dziećmi, jakoj daviałosia vyjechać ź Biełarusi3
Kamientary