Na sajcie «Echo Moskvy» apublikavany zvarot da prezidenta Rasii Uładzimira Pucina z prośbaj pamiłavać ukrainskaha režysiora Aleha Siancova, jaki z 14 maja trymaje haładoŭku ŭ kałonii.
Zvarot padpisali aktrysa Čułpan Chamatava, režysiory Kanstancin Branzit, Andrej Źviahincaŭ, Pavieł Łunhin, Juryj Narštejn, Alaksandr Sakuraŭ, Valeryj Tadaroŭski, Alaksiej Učyciel, Alaksiej Fiadorčanka, televiadučyja Uładzimir Poźnier i Ksienija Sabčak.
«Pavažany Uładzimir Uładzimiravič! Čałaviek pamiraje. My nie dumajem, što vina jaho nastolki vialikaja, kab za jaje davali 20 hadoŭ. Jon ščyry i sumlenny ŭ svaich pierakanańniach - jaho biesterminovaja haładoŭka heta dakazvaje. Nieabchodna prajavić miłasernaść, kab vyratavać čałaviečaje žyćcio», - skazana ŭ liście.
Pres-sakratar Pucina Dźmitryj Piaskoŭ zajaviŭ, što prezident «nieadnarazova vykazvaŭ svoj punkt hledžańnia» pra spravu Siancova i što hramadski rezanans «nie mahu paŭpłyvać na rašeńnie suda, jakoje ŭstupiła ŭ siłu».
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha7
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary