Konkurs sełfi88

Viadomaja para fatohrafaŭ tłumačyć, jak zrabić sełfi lepš: «Nie bojciesia być śmiešnymi!»

My paprasili dać parady duet Lejdzik + Kanaploŭ, jakija ŭvachodziać u skład žury konkursu «Našaj Nivy» i Samsung Galaxy A8|A8+ «Navučy babulu rabić sełfi!».

Try miesiacy dziaduli i babuli z roznych kutkoŭ krainy dasyłali nam u redakcyju svaje premjernyja sełfi. Jany rabili zdymki intuityŭna, ščyra — i heta cudoŭna! Zaraz iduć apošnija hadziny narodnaha hałasavańnia za pieramožcu, jaki atrymaje ŭ padarunak adrazu dva smartfony — Samsung Galaxy A8 i Samsung Galaxy A8+ — i dla siabie, i dla ŭnuka.

Prahałasavać

A pakul — raźbirajem z fatohrafami kancepcyju jarkaha, pryhožaha, zapaminalnaha sełfi.

Jula Lejdzik i Ženia Kanaploŭ voś užo niekalki hod źjaŭlajucca ambasadorami brenda Samsung.

Śviatło — usiamu hałava

Najlepšyja fotazdymki atrymlivajucca ci na vulicy, ci doma pierad aknom. Kali sonca ŭžo nie vielmi jarkaje i śviatło akuratna abramlaje tvar. A kali pierad vami jašče staić stoł, to budzie zusim dobra — jon zamienić adbivalnik, padśviecić cieni. Śviatło zalje tvar i zrobić jaho śviažej.

«Maja maci, kali ŭpieršyniu sfatahrafavałasia kala akna, była pryjemna ździŭlenaja: akazvajecca, jana ŭ siabie vielmi pryhožaja i maładaja. Ciapier kožny dzień dasyłaje novyja zdymki ź lecišča», — raskazvaje Ženia.

Kali nadvorje drennaje i ŭ domie ciomna, možna vykarystoŭvać taršery. Treba stać u centry krynicy śviatła, zrabić niekalki krokaŭ nazad, vyciahnuć ruku i sfatahrafavacca. Pry dobrym rakursie taršer daść efiekt studyjnaści: z pramalavanymi skułami i inšymi detalami na tvary. Kali zrabić taki fotazdymak čorna-biełym, budzie ŭvohule bomba.

Dadatkovyja nastrojki kamiery

Telefonnaja kamiera była stvoranaja najpierš dla taho, kab nie dumać pra nałady i fatahrafavać chutka, amal imhnienna. Usim užo nadakučyli štučnaja kolerkarekcyja, sproby padžaŭcić kadr ci zrabić efiekt pałaroida. Siońnia, na našu dumku, u trendzie maksimalna naturalnyja rečy.

Kali niečaha nie chapaje, možna chiba što kantrasnaści dadać. Ci, kali ŭ vas sučasny smartfon, skarystacca funkcyjaj HDR: jana dazvalaje pramalavać bolš infarmacyi ŭ kadry.

Ručny režym z samastojnym vystaŭleńniem dyjafrahmy, vytrymki, ISO vielmi ratuje kadry, jakija robiacca ŭ viečarovy čas.

Apracoŭka fota

Adna z samych papularnych prahram dla apracoŭki zdymkaŭ z bahatym naboram filtraŭ — VSCO. Časam my karystajemsia jašče A Color Story. Kali z kadra treba prybrać niejki lišni pradmiet, prychodziać na dapamohu zakładki ŭ dadatkach dla pracy z fota Adobe. Ale samy lubimy fotaredaktar — heta Afterlight. Asabliva jon ratuje, kali ŭ storyz chočacca zahruzić nie abrezany kadr. Dadaješ u prahramie paspartu — i zalivaješ fotazdymak u pieršapačatkovym vyhladzie.

Što stała durnym tonam u sełfi?

Jula: «Kali dziaŭčaty robiać dla zdymkaŭ adnolkavyja tvary: ściskajuć vusny kačkaj, pryžmurvajuć vočy i fatahrafujucca adnolkava lalečna. Ale, moža, jakraz dziakujučy takim dziaŭčatam, ciapier u modu ŭvachodzić indyvidualnaść. Ludzi ŭsio čaściej zdymajuć siabie z usimi svaimi razynkami, ničoha nie chavajučy i nie strojačy ź siabie.

I jašče nam nie vielmi zrazumieła, kali ludzi dziela sełfi ryzykujuć žyćciom. Ja vielmi złujusia praz heta, bo jany zusim nie ceniać svajo žyćcio».

Hałoŭnaje praviła — adsutnaść pravił

Unutry kožnaha čałavieka jość ziernie tvorčaści. Hałoŭnaje — navučycca bačyć cikavaje navokał, znachodzić vartyja siužety.

Zamylenamu voku vielmi dapamahajuć vandroŭki: kali znoŭ viartaješsia dadomu, ty ŭžo pa-inšamu reahuješ na zvykłyja rečy i pradmiety. Typu: «Vaŭ, a ja heta raniej i nie zaŭvažaŭ!»

Ženia: «Ale kali ŭvažliva hladzieć pa bakach zaŭsiody, to siužety znojducca sami. Jula na dniach išła i ŭbačyła zvyčajny plušč. Stała la jaho i sama siabie sfatahrafavała. Atrymałasia afihienna!»

Z sełfi asabliva ŭ tvorčaści nie razhonišsia, bo asnoŭnuju častku kadra zajmaje tvar. Tamu prosta abirajcie niezvyčajny fon, pieraapranajciesia i nie bojciesia być śmiešnymi. Dobry fotazdymak z kompleksami nie atrymajecca.

Kamientary8

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Śviatłana Cichanoŭskaja sustrełasia z Emanuelem Makronam10

Eks-premjer Siarhiej Rumas źjaviŭsia na pachavańni Vierhiejenki FOTAFAKT6

Ryžankoŭ: U mianie i babula, i mama byli čystymi polkami52

Pucin prapanavaŭ Iranu rekordnyja abjomy rasijskaha hazu sa źnižkaj 75%4

Lidar čempijanatu Biełarusi vylecieŭ ź niatopavaha jeŭrakubka ŭžo na pieršaj stadyi kvalifikacyi

U Pinsku piensijanier uciakaŭ ź miesca ŭčynienaha im najezdu i pa darozie padbiŭ jašče dźvie mašyny

Viadomy błohier nabyŭ kvateru ŭ Polščy — voś jak heta ŭ jaho atrymałasia20

Bajden moža vyjści z vybarnaj honki ŭžo na hetyja vychadnyja12

Minski chirurh vydaŭ zbornik esteckaj prozy. Tak pa-biełarusku raniej nie pisali

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →