Mininfarmacyi: Aŭtaryzacyja na forumach minimizuje adkaznaść uładalnikaŭ resursaŭ za źmiest kamientaroŭ
Pra heta zajaviŭ siońnia namieśnik ministra infarmacyi Pavieł Lohki na pasiadžeńni rabočaj hrupy pa dapracoŭcy prajekta Zakona «Ab uniasieńni źmianieńniaŭ i dapaŭnieńniaŭ u niekatoryja zakony RB».
«Takim čynam my chočam źniać adkaznaść z samich uładalnikaŭ resursaŭ za kamientary. Kali ŭvodzim aŭtaryzacyju, to va ŭładalnikaŭ bolš mahčymaściaŭ ukazać pravaachoŭnikam kirunak pracy», — skazaŭ Pavieł Lohki.
Kankretnaja mietodyka aŭtaryzacyi jašče ŭ raspracoŭcy, padkreśliŭ namieśnik ministra. Jak varyjant prapanujecca ŭvieści SMS-identyfikacyju. Ale, kali jość inšyja prapanovy, Pavieł Lohki źviarnuŭsia da ŚMI z prośbaj ahučvać ich dla abmierkavańnia. Jon akcentavaŭ uvahu, što siońnia kamientatara možna vyznačyć pa IP-adrasie.
Pradstaŭniki internet-resursaŭ vykazalisia na karyść taho, što identyfikacyja pavinna być zručnaj i šmatstajnaj, kab byŭ vybar najbolš prostaha sposabu dla karystalnika.
«My nie čakali, što dadzienaja navacyja ŭ zakon ab ŚMI budzie klučavoj. Z adnaho boku, jość mierkavańnie pra toje, što rušyć uśled źnižeńnie trafiku, padzieńnie dachodaŭ ad rekłamy. Ale nichto nie viedaje, ci budzie sapraŭdy hety adtok. My hladzim kolkaść prahladaŭ i kamientaroŭ i supastaŭlajem. Moža, jość inšy mietadyčny padychod», - dadaŭ Pavieł Lohki.
Taksama jon źviarnuŭ uvahu na toje, u jakich vypadkach kamientatary bajacca raskryvacca.
Zapaŭniajučy ankiety pry afarmleńni dyskontnych kart, da prykładu, ludzi achvotna raskryvajuć svaje piersanalnyja dadzienyja i nie bajacca za ich zachavańnie. Usia sprava ŭ tym, što za chamstva i abrazy na forumie pad svaim imiem kamientatar budzie nieści adkaznaść.
«Siońnia forum — heta vysoki płot ananimnaści, z-za jakoha možna vysunucca, plunuć na čałavieka i schavacca.
Šmat zvarotaŭ hramadzian pastupaje z nahody chamstva. Nivodny uładalnik resursu nie harantuje paŭnavartasnuju premaderacyju. Akramia taho, na forumy časam pralazajuć ašukancy, raźmiaščajucca spasyłki ab mikrapazykach, pradajecca spajs», — skazaŭ na zakančeńnie Pavieł Lohki.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior17
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary