Fota Siarhieja Hudzilina

Fota Siarhieja Hudzilina

MUS vyniesła na hramadskaje abmierkavańnie prajekt źmianieńniaŭ u Zakon «Ab darožnym ruchu».

Prajektam praduhledžana naličeńnie štrafnych bałaŭ kiroŭcam, jakija parušajuć PDR. Sutnaść prostaja: nabraŭ za kalandarny hod peŭnuju kolkaść bałaŭ navat za «lohkija» pravaparušeńni — pazbavišsia pravoŭ na paŭhoda.

Kolki buduć kaštavać parušeńni?

U 1 bał acanili parušeńni, štraf za jakija nie pieravyšaje troch bazavych vieličyń (naprykład, niaprojdzieny techahlad, stajanka ŭ nienaležnym miescy i inš.), A taksama za jakija vysyłajuć «listy ščaścia» (chutkaść i parkoŭka);

2 bały naličać za parušeńni, štraf za jakija nie pieravyšaje piaci bazavych vieličyń (naprykład, prajezd na čyrvonaje śviatło abo parušeńnie patrabavańniaŭ znakaŭ i raźmietki);

3 bały vy atrymajecie za parušeńni, štraf za jakija nie pieravyšaje dziesiaci bazavych vieličyniaŭ (heta pieravyšeńnie chutkaści na 30 i bolš km\h i inš.);

4 bały naličać za parušeńni, štraf za jakija bolš za dziesiać bazavych vieličyń abo ža praduhledžana pazbaŭleńnie pravoŭ (heta «pjanka» za rulom, vyjezd na sustrečku, niapropusk chutkaj i inšyja hrubyja parušeńni).

Adkaznaść za sami parušeńni — štrafy i pazbaŭleńnie pravoŭ — pry hetym admianiać nichto nie źbirajecca: štrafnyja bały pojduć «bonusam».

Za niekatoryja parušeńni štrafnyja bały naličvać nie buduć (havorka idzie pra praduhledžanyja častkami 6, 8 artykuła 18.12, artykułam 18.20, častkaj 5 artykuła 18.22 KaAP).

Sa źviestkami pra kolkaść naličanych bałaŭ kiroŭca zmoža aznajomicca anłajn praź śpiecyjalny dadatak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?