Vyjhryšny bilet adnoj z samych papularnych u ZŠA łatarej Mega Millions, džekpot jakoj skłaŭ $ 143 młn, pradadzieny ŭ amierykanskim štacie Ahajo. Pra heta paviedamiła ahienctva Associated Press.

Kvitok nabyty ŭ piatnicu ŭ nievialikaj kramie niedaloka ad horada Dejtana. Chto mienavita jaho nabyŭ, pakul nieviadoma.

Pieramožca łatarei zmoža atrymać hrošy na praciahu 180 dzion. Kali jon zachoča zabrać uvieś vyjhryš adrazu, suma pryza składzie $ 86,4 młn biez uliku padatkaŭ. Zabrać uvieś džekpot mahčyma, kali pieramožca zhadžajecca atrymlivać jaho ŭ vyhladzie rehularnych vypłat na praciahu 30 hadoŭ.

Šancy nabyć hety vyjhryšny bilet składali prykładna 1 da 303 młn. Zhodna ź isnujučym praviłam, ułaśniki kramy, dzie jaho pradali, taksama atrymajuć uznaharodu ŭ pamiery $ 14,3 tys. U apošni raz u Ahajo pradavali vyjhryšny bilet Mega Millions ŭ listapadzie 2015 hoda, tady džekpot dasiahnuŭ $ 202 młn.

Najbujniejšy džekpot u historyi Mega Millions skłaŭ $ 656 młn. Rekord byŭ ustalavany ŭ sakaviku 2012 hoda, tady vyjhrali adrazu try kvitki, pradadzienyja ŭ štatach Ilinojs, Kanzas i Meryłend. Uładalniki padzialili vyjhryš. Łatarejnyja bilety Mega Millions pradajucca ŭ 44 štatach, staličnaj akruzie Kałumbija i na Amierykanskich Virhinskich astravach.

Клас
0
Панылы сорам
0
Ха-ха
0
Ого
0
Сумна
0
Абуральна
0