Kamplektavańnie hrup adbudziecca ŭ červieni-žniŭni pa tym samym pryncypie, što i va ŭsich astatnich daškolnych ustanovach, piša homielski partał «Biełka».
— Pryjom vychavancaŭ va ŭstanovy daškolnaj adukacyi ažyćciaŭlajecca ŭ paradku čarhovaści zhodna z dataj pastanoŭki na ŭlik i patreby baćkoŭ u afarmleńni dziciaci va ŭstanovu, — kankretyzavała načalnik adździeła adukacyi, sportu i turyzmu Homielskaha harvykankama Ludmiła Kryliścienka. — Infarmacyju ab kamplektavańni možna atrymać u śpiecyjalistaŭ adździełaŭ adukacyi rajonnych administracyj.
Hrupy z poŭnym pracesam navučańnia na biełaruskaj movie adkryjucca ŭ jaślach-sadzie №160 na vulicy Kosarava (dla dziaciej va ŭzroście ad 3 da 4 hadoŭ) i ŭ jaślach-sadzie №161 na vulicy Manieviča (dla dziaciej ad 3 da 6 hadoŭ).
Pa pytańniach pastanoŭki na ŭlik u jaśli-sad №160 varta źviartacca ŭ słužbu «Adno akno» administracyi Savieckaha rajona. Nakiravańnie ŭ biełaruskamoŭnyja hrupy zakonnyja pradstaŭniki vychavancaŭ pavinny ŭzhadnić u miascovym adździele adukacyi, sportu i turyzmu.
Kamientary