Dyrektaram Nacyjanalnaha histaryčnaha muzieja Respubliki Biełaruś staŭ kulturołah Pavieł Sapoćka, pieradaje «Minsk-Naviny»
Jaho pryznačyli na hetuju pasadu 29 sakavika. Jon źmianiŭ Aleha Ryžkova, jaki kiravaŭ muziejem z 2013 hoda. Sam Pavieł Sapoćka raniej uznačalvaŭ mastackuju halereju «Univiersitet kultury».
— Heta vielmi niečakanaje i pryjemnaje dla mianie pryznačeńnie, bo ja lublu Nacyjanalny histaryčny muziej, viedaju mierapryjemstvy, jakija tam pravodziacca, ludziej, što tam pracujuć. U muziei sabrana bahataja materyjalna-duchoŭnaja i historyka-kulturnaja spadčyna Biełarusi. I naša zadača maksimalna papularyzavać toje lepšaje, što tam jość. U płanach realizacyja kulturna-aśvietnickich prajektaŭ, fondavaja dziejnaść, praviadzieńnie navukova-praktyčnych kanfierencyj, vydavieckija prajekty, umacavańnie mižnarodnych kulturnych suviaziaŭ. Napramkaŭ raboty šmat. Kalektyŭ dobry — bolš za 200 čałaviek, 6 filijałaŭ. Tamu ŭ najbližejšy čas budu z usimi znajomicca, vyvučać patencyjał muzieja i zapuścim šerah novych cikavych prajektaŭ, — skazaŭ Pavieł Sapoćka.
Pavieł Sapoćka naradziŭsia 4 studzienia 1992 hoda ŭ Maładziečnie. Skončyŭ Biełaruski dziaržaŭny ŭniviersitet kultury i mastactvaŭ, śpiecyjalizujecca na mieniedžmiencie sacyjalnaj i kulturnaj śfiery. U 2014 hodzie skončyŭ mahistraturu BDUKM i vykładaje na kafiedry mižkulturnych kamunikacyj hetaha ŭniviersiteta.
Źjaŭlajecca staršynioj praŭleńnia Minskaha abłasnoha adździaleńnia Biełaruskaha fondu kultury, namieśnikam staršyni Biełaruskaha tavarystva družby i kulturnaj suviazi z zamiežnymi krainami, vykonvaje funkcyi adkaznaha sakratara dabračynnaha fondu «Spadčyna Michała Kleafasa Ahinskaha» pa Maładziečnie, kiruje Centram mižkulturnaha dyjałohu i sacyjalnych inicyjatyŭ Respublikanskaj kanfiederacyi pradprymalnictva. Siabra roznych hramadskich abjadnańniaŭ i arhanizacyj.
Kamientary