U sud pajšła sprava čarhovaha siaržanta ź Piačej. Vajskoŭca abvinavačvajuć u złoŭžyvańni ŭładaj, pa spravie prachodziać čatyry paciarpiełyja, paviedamlaje Tut.by.
13 sakavika Hienieralnaja prakuratura nakiravała ŭ sud Barysaŭskaha rajona kryminalnuju spravu ŭ dačynieńni da siaržanta B. Pa viersii abvinavačvańnia, jon sistematyčna patrabavaŭ u padnačalenych, kab tyja kuplali jamu kavu i cyharety. Akramia taho, z 16 lipienia pa 14 kastryčnika 2017 hoda zabiraŭ u radavych mabilnyja telefony. Kali siaržant bačyŭ, što chłopcy karystalisia zabaronienymi ŭ armii mabilnymi z kamieraj, to nie dakładvaŭ pra heta kiraŭnictvu, a prosta adbiraŭ telefony, a zatym telefanavaŭ za košt radavych.
— 14 kastryčnika ŭ kalidory budynka miedycynskaj roty abvinavačany ździejśniŭ hvałt u dačynieńni da padnačalenaha — toj zabraŭ u siaržanta svoj telefon. Abvinavačanamu heta nie spadabałasia. Jon spačatku nadhledzieŭ radavoha, zatym staŭ pahražać, vykazvacca niecenzurnaj łajankaj, schapiŭ jaho za ruku i ŭdaryŭ kułakom u hałavu, čym nanios fizičny bol, maralnyja pakuty i źniavahi, — raspavioŭ viadučy śpiecyjalist suda Barysaŭskaha rajona Dźmitryj Kryvieła.
Heta adbyłosia, kali ŭ Piečach užo pracavali śledčyja pa spravie zahinułaha Alaksandra Koržyča. Nahadajem, cieła maładoha čałavieka vyjavili 3 kastryčnika ŭ padvale. Jon siem dzion pravisieŭ u piatli, pakul jaho nie znajšli. Padčas rasśledavańnia byli raspačatyja dziasiatki kryminalnych spraŭ, źviazanych ź dziedaŭščynaj.
Jak skłałasia žyćcio vunderkinda z Žodzina, jaki ŭ 12 hadoŭ pastupiŭ u miedycynski ŭniviersitet?3
Kamientary