Chto takaja studentka Lizavieta Zapieka, što siadzieła pobač z Łukašenkam? FOTY
20 sakavika Alaksandr Łukašenka pravioŭ sustreču z tvorčaj moładździu. Razam ź im na scenie siadzieła niekalki junakoŭ: dziaŭčat i chłopcaŭ. Pravaruč ad Łukašenki była 19-hadovaja studentka Univiersiteta kultury i mastactvaŭ Lizavieta Zapieka.
«Daj siudy ručku, a čamu ty tak vymazałasia?» — spytaŭsia ŭ jaje kiraŭnik dziaržavy. «Tak atrymałasia», — adkazała dziaŭčyna. «Za piaro bracca nie treba, ja pišu tolki atramantam, a moładź im pisać zusim nie ŭmieje. Heta śpiecyfičnaja ručka, z hierbam, zroblenaja niejkaj znakamitaj firmaj, pazałočanaja. Heta suvienirnaja ručka, ja jaje daryŭ Si Czińpiniu, Nazarbajevu, Pucinu. I ciapier daru tabie, kab ty navučyłasia», — adznačyŭ Łukašenka.
Chto ž takaja hetaja Lizavieta Zapieka? Dziaŭčyna rodam z Babrujsku, vučyłasia tam u estradnaj studyi «Kłas». Adnačasova jana zajmałasia ŭ muzyčnaj škole №1 pa kłasie fartepijana i tancavalnym kalektyvie «Pčołka». Fatazdymki ŭziatyja z staronak Lizy ŭ sacyjalnych sietkach.
Jana vykładaje vakał u muzyčnaj škole JAM. U ŚMI Lizavieta pačała źjaŭlacca ad 2011, kali stała pieramahać u dziciačych vakalnych konkursach, u 2013-m pryviezła z Pražskaha muzyčnaha fiestyvala dypłom u naminacyi «Estradny vakał-soła». Tam jana vykonvała pieśniu na biełaruskaj movie «Biełaja łastaŭka».
U sacyjalnaj sietcy Ukantakcie Lizavieta maje bolš za 190 padpisak na supołki: muzyka, kino, fatahrafija, psichałohija. Ź biełaruskamoŭnych padpisanaja tolki na Lit.bel. Z navinaŭ — na RBK i «Babrujskaje žyćcio».
Miescam pracy ŭ dziaŭčyny paznačany miuzikł «Dubroŭski», jaki staviać studenty BDUKM. Śpiavaje na bek-vakale ŭ deputata Pałaty pradstaŭnikoŭ Iryny Darafiejevaj. Prynamsi, jezdiła z Darafiejevaj na vystup u Babrujsk.
U 2016-m Lizavieta Zapieka zdała centralizavanaje testavańnie pa historyi Biełarusi na maksimalny vynik — 100 bałaŭ.
«Jeździli-jeździli, a potym ich nie vypuścili». Biełarusy sutykajucca ź jašče adnym vidam represijaŭ3
Kamientary