Siamiora vučniaŭ škoły №15 horada Šadrynska Kurhanskaj vobłaści paciarpieli ŭ vyniku stralby ź pnieŭmatyčnaha pistaleta. Pra heta paviedamili TASS u sieradu ŭ pres-słužbie HU MUS Rasii pa rehijonie.
«Siońnia ranicaj u adnoj sa škoł Šadrynska padčas pieramieny dziaŭčynka 13 hadoŭ ź pnieŭmatyčnaha pistaleta, što naležyć jaje baćku, zrabiła niekalki strełaŭ. U vyniku zdareńnia siniaki i rany, papiarednie, atrymali siem vučniaŭ 7-ha kłasa. U škole pracuje śledča-apieratyŭnaja hrupa, jakaja vyśviatlaje pryčyny zdareńnia. Adukacyjnaja ŭstanova pracuje ŭ štatnym režymie», — skazała surazmoŭnica ahienctva.
Pavodle jaje słoŭ, miedyki vyjechali na miesca nadzvyčajnaha zdareńnia i ahledzieli paciarpiełych vučniaŭ škoły, špitalizacyja bolšaści ź ich nie spatrebiłasia. «Pa papiarednich dadzienych, adnaho ź dziaciej chutkaja zabrała z saboj, dyjahnaz patłumačyć nie zmahu», — udakładniła pradstaŭnik MUS.
«Jeździli-jeździli, a potym ich nie vypuścili». Biełarusy sutykajucca ź jašče adnym vidam represijaŭ3
Kamientary