BATE źmianiŭ praviły akredytacyi: prybraŭ patrabavańni ab štrafie, zabaronu na nieabhruntavanuju krytyku
FK BATE ŭnios źmianieńni ŭ pałažeńnie ab akredytacyi, što vyklikała rezanans u spartyŭnych ŚMI.
«Pres-słužba FK BATE zaŭsiody adkryta dla dyjałohu sa ŚMI. Niaredka paśla abmierkavańnia z pradstaŭnikami mas-miedyja my pierahladajem svaje pohlady na peŭnyja rečy. Za apošnija niekalki dzion my vyvučyli dumki i pazicyi šerahu viadučych ŚMI krainy i pryniali rašeńnie źmianić asobnyja punkty «Pałažeńnia ab akredytacyi na siezon 2018», — havorycca ŭ zajavie na sajcie kłuba
Z dakumienta źnikli najbolš rezanansnyja patrabavańni, jakija išli ŭ razrez ź dziejučym zakanadaŭstvam. Z dakumienta źnikła patrabavańnie ab vypłacie dobraachvotnaha štrafu ŭ pamiery 2450 rubloŭ za parušeńnie pałažeńni ab akredytacyi. Zrešty, kłub pakidaje za saboj prava «vykarystać lubyja praduhledžanyja zakanadaŭstvam (…) srodki pravavoj abarony, u tym liku prava patrabavańnia ad vinavatych asob kampiensacyi ŭsich paniesienych strat».
Punkty, za jakija BATE prapanoŭvaŭ vypłačvać štraf, taksama źviedali istotnyja źmieny, u ich ahavorki sa spasyłkaj na zakanadaŭstva Respubliki Biełaruś, niekatoryja ź ich byli vydalenyja ŭ poŭnym abjomie. Havorka pra zabaronu na raspaŭsiud materyjałaŭ niehatyŭnaha charaktaru, jakija źmiaščajuć biazdokazna krytyku, zabaronie na zbor infarmacyi i jaje pieradaču.
Pa-raniejšamu nieabchodny śpiecyjalny dazvoł kłuba na aŭdyjo- i videazdymku, adnak u punkcie źjaviłasia istotnaja ahavorka «za vyklučeńniem vypadkaŭ, prama praduhledžanych zakanadaŭstvam». Takim čynam, luby zaŭziatar pa-raniejšamu ŭ pravie zdymać na svoj mabilny telefon usio, što adbyvajecca na «Barysaŭ-Arenie».
Raniej admovilisia padavać zajavy na akredytacyju Tribuna i BiełaPAN.
Za kamientary i ŭdzieł u pratestach zatrymali brata palitviaźnia. Jon niadaŭna viarnuŭsia z Polščy1
Kamientary