Dyrektar hrodzienskaj firmy ŭ 100 razoŭ zavysiŭ prybytak, kab atrymać u kredyt 60 tysiač jeŭra
Kab atrymać kredyty, dyrektar hrodzienskaj firmy padaŭ u bank fiktyŭnyja dakumienty, zavysiŭšy realnyja prybytki ŭ 10−100 razoŭ. Zakładzienaje ž banku abstalavańnie pradprymalnik vyviez za miažu, paviedamlaje UDFR pa Hrodzienskaj vobłaści.
46-hadovy dyrektar hrodzienskaj firmy pa vytvorčaści płastykavych voknaŭ vyrašyŭ pašyryć svoj biźnies, atrymaŭšy dva kredyty pa 30 tysiač jeŭra pa fiktyŭnych dakumientach ab finansavym stanoviščy svajoj firmy. Kab suma kredytaŭ była bolšaj, jon pradstaŭlaŭ u bank dakumienty ab prybytku, zavyšanym u 10−100 razoŭ.
Viartać banku hrošy kamiersant nie źbiraŭsia. Pra heta śviedčyć toje, što jon vyviez za miežy Biełarusi abstalavańnie, jakoje znachodziłasia ŭ zakładzie ŭ banka. Suma daŭhoŭ pierad bankam zaraz pieravyšaje 30 tysiač jeŭra.
U dačynieńni da dyrektara raspačali kryminalnyja spravy za vymańvańnie kredytu abo subsidyi.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary