Mitrapalit Pavieł ab malitvach za Biełaruś da 100-hodździa BNR: My nie chočam palityzavać malitvu
Biełaruskaja pravasłaŭnaja carkva nie budzie pravodzić mierapryjemstvaŭ, pryśviečanych 100-hodździu BNR i naohuł suprać «sprobaŭ palityzavać malitvu». Pra heta raspavioŭ mitrapalit Minski i Zasłaŭski Pavał, adkazvajučy na pytańnie Tut.by.
Raniej paviedamlałasia, što 25 sakavika, u dzień 100-hodździa ŭtvareńnia BNR, u kafiedralnym sabory Minska-Mahiloŭskaj archidyjacezii ŭ 10.00 projdzie malitva za Biełaruś. Imšu ŭznačalić mitrapalit minska-mahiloŭski arcybiskup Tadevuš Kandrusievič. Kiraŭnik katalickaj carkvy adznačaŭ taksama važnaść daty stvareńnia BNR dla Biełarusi.
Tut.by spytaŭ, ci płanuje pamalicca za Biełaruś da 100-hodździa BNR Biełaruskaja pravasłaŭnaja carkva.
— U nas štodnia molacca za Biełaruś, — adznačyŭ mitrapalit Minski i Zasłaŭski Pavał.
Jon patłumačyŭ, što Biełaruskaja pravasłaŭnaja carkva nie płanuje pravodzić mierapryjemstvaŭ, pryśviečanych stvareńniu BNR.
— Heta sproba palityzavać malitvu, my suprać hetaha, — raspavioŭ kiraŭnik Biełaruskaj pravasłaŭnaj carkvy. — Ci možna vyjści na placoŭki, na trybuny, možna zaklikać ludziej, ale ŭ hetym vypadku malitva budzie mieć charaktar hvałtu.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki37
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary