Šachciory, jakija apynulisia pad zavałam ŭ šachcie rudnika AAT «Biełaruśkalij», jašče nie znojdzieny, ich raźmiaščeńnie pakul nie vyznačana, zajaviŭ u efiry telekanała ANT hienieralny dyrektar pradpryjemstva Ivan Hałavaty.
Ivan Hałavaty raspavioŭ, što adbyłosia raptoŭnaje abvalvańnie parod dachu ź vialikaj intensiŭnaściu i z vydzialeńniem hazu. Pa papiarednich dadzienych, vyšynia abvalvańnia skłała da 12 m, u dyjamietry — kala 3-4 m. Paśla praviadzieńnia razhazavańnia była pačata rasčystka zavałaŭ. Na 14.00 było rasčyščana ad zavałaŭ 20 m, pavodle papiaredniaj acenki ekśpiertaŭ, treba budzie raskapać jašče minimum 30 m.
Hiendyrektar zajaviŭ, što vyratavalniki kapajuć ŭručnuju rydloŭkami, bo ŭžyvańnie śpiecyjalnaj techniki ŭ tych umovach niemahčyma.
Pa vynikach pieršapačatkovych śledčych dziejańniaŭ Salihorskim rajonnym adździełam Śledčaha kamiteta raspačata kryminalnaja sprava pa fakcie parušeńnia pravił biaśpieki hornych rabot (art. 303 Kryminalnaha kodeksa Biełarusi).
-
Žachlivaja historyja ŭ «Minsk-Śviecie»: sabaka na dvary naparoŭsia na šampur, haspadynia ličyć, što jaho ŭvatknuli naŭmysna
-
Čamu vysoki cisk nie dazvalaje rasijskim Supierdžetam latać? Choć dla Boinha heta nie prablema
-
U Viciebsku try miesiacy šukali sieryjnaha lukakrada. Jaho zatrymali, ale luki praciahvajuć źnikać
Kamientary