Kadr: film «Bad Teacher»

Kadr: film «Bad Teacher»

U Sankt-Pieciarburhu źmiaścili pad padpisku ab niavyjeździe nastaŭnicu, jakaja na ŭroku nibyta zaniałasia seksam z 15-hadovym školnikam. Pra heta paviedamlaje «Fontanka».

Kryminalnuju spravu ŭ dačynieńni da 35-hadovaha piedahoha zaviali ŭ kancy minułaha hoda. Zajavu ŭ Śledčy kamitet na žančynu napisała maci padletka. Kryminalnaja sprava zaviedzienaja pa dvuch artykułach KK — raspusnyja dziejańni i pałavyja znosiny z asobaj, małodšaj za 16 hadoŭ.

Pavodle «Fantanki», siamja chłopčyka davoli zamožnaja, jaho baćka pracuje ŭ maskoŭskaj kampanii ŭ śfiery handlu naftaj. Padletak vučycca ŭ pryvatnaj škole, ale navučajecca doma — naniatyja nastaŭniki prychodziać da jaho ŭ zručny dla jaho čas.

Padletak na staroncy Ukantakcie paziruje na fonie i za rulom darahich mašyn, chvalicca rehularnymi pajezdkami za miažu i, niahledziačy na školny ŭzrost, vypivaje ŭ kłubach, pryznajecca ŭ luboŭnych adnosinach, pazicyjanuje siabie jak prafiesijny futbalist i, naprykład, paviedamlaje padpisčykam pra asabistuju sustreču z Kryšcijanu Ranałdu i znajomstvie ź inšymi suśvietnymi zorkami.

U intym, kali vieryć školniku i mamie, jon byŭ hvałtoŭna zaciahnuty jašče ŭ krasaviku 2017 hoda. Mahčyma, padletak tolki prydumaŭ hetuju historyju. Hetym, na dumku žurnalistaŭ, možna rastłumačyć, što nastaŭnica pa-raniejšamu znachodzicca tolki ŭ statusie padazravanaj.

Клас
0
Панылы сорам
0
Ха-ха
0
Ого
0
Сумна
0
Абуральна
0