Kantrolny pakiet akcyj kłuba pierajšoŭ da 26-hadovaha biznesmena z Armienii Vahie Marcirasiana. U intervju sport.tut.by Marcirasian vykazaŭ upeŭnienaść nakont budučyni «Krumkačoŭ».
— «Krumkačy» isnujuć z 2014 hoda, a ja pra kamandu daviedaŭsia tolki hod tamu, paznajomiŭšysia ź Dzianisam Šunto. Heta zdaryłasia paśla treciaha ci čaćviortaha tura letašniaha čempijanatu krainy. Dzianis Piatrovič ścisła abmalavaŭ situacyju, raspavioŭ pra finansavyja prablemy kłuba. Z tych časoŭ padtrymlivaju kamandu jak zaŭziatar. A paśla niekatoraha času, uziataha na razvažańni, padrychtavaŭ biznes-płan śpiecyjalna pad «Krumkačoŭ». Jon isnuje ŭžo daŭno, ale tolki niadaŭna našy adnosiny byli aformlenyja. Ja suzasnavalnik. Mnie naležyć kantrolny pakiet akcyj kłuba.
Pa słovach Marcirasiana, zadača na nastupny hod — zastacca ŭ vyšejšaj lizie, finišavaŭšy ŭ siaredzinie tablicy.
«Płanujecca, što biudžet na 2018 hod składzie 600 tysiač dalaraŭ. A ŭ dalejšym finansavańnie budzie zaležać ad tempaŭ raźvićcia kłuba», — adznačaje Marcirasian.
Pa słovach biznesoŭca, u jaho siamiejny biznes u śfiery handlu i pasłuh na terytoryi rodnaj Armienii, inšych krain SND i Jeŭropy.
«U Biełarusi ŭ nas ničoha niama, ale my dumajem pra toje, kab niešta adkryć tut. Pahladzim, da čaho heta pryviadzie. Pakul ja spyniŭsia na nabyćci futbolnaha kłuba. Heta samy vialiki biznes, jaki źbirajusia mieć u Biełarusi», — kaža Vahie Marcirasian.
Raniej paviedamlałasia, što fiederacyja futboła moža nie dapuścić «Krumkačoŭ» da čempijanata za parušeńnie rehłamientu, kłub padaŭ apielacyju.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?13
Kamientary