Źmicier Daškievič pieradaŭ u Ministerstva adukacyi bolš za 2 tysiačy podpisaŭ u padtrymku biełaruskaj movy
Źmicier Daškievič pieradaŭ u Ministerstva adukacyi podpisy za biełarusizacyju adukacyi i stvareńnie pieršaha biełaruskamoŭnaha Nacyjanalnaha ŭniviersiteta, paviedamlaje «Radyje Svaboda».
Zbor podpisaŭ pačaŭsia ŭ Mižnarodny dzień matčynaj movy 21 lutaha i vioŭsia ŭ Minsku i pa ŭsioj krainie.
U Ministerstva adukacyi Daškievič pieradaŭ 2188 podpisaŭ. Plus 500 čałaviek padpisalisia pad zvarotam na petitions.by. Jašče kala 110 podpisaŭ sabrali aktyvisty ŭ Baranavičach, Červieni i Babrujsku. Hetyja podpisy taksama dašluć u Ministerstva adukacyi.
Źmicier Daškievič u Ministerstvie adukacyi, fota «Radyjo Svaboda».
«Ja zadavoleny i ździŭleny takoj aktyŭnaściu ŭ maroznyja dni, nie vielmi spryjalnyja dla zboru podpisaŭ. Naprykład, 25 lutaha ŭ pierachodzie mietro «Kastryčnickaja» dva čałavieki sabrali 550 podpisaŭ. Ja mahu paraŭnać z podpisami za bieł-čyrvona-bieły ściah — za movu padpisvalisia aktyŭniej. Ja dumaŭ, my źbiarom 1000—1500 podpisaŭ, a sabrali ŭ dva razy bolš», — skazaŭ Svabodzie Źmicier Daškievič.
Padpisanty zaklikajuć raspracavać prahramu adradžeńnia biełaruskaj movy ŭ śfiery adukacyi, stvaryć jurydyčnyja ŭmovy dla rehistracyi pryvatnych dziciačych sadkoŭ, škoł i VNU, a taksama stvaryć pieršy biełaruskamoŭny Nacyjanalny ŭniviersitet.
-
Biazdomny-erudyt, jaki źnik u Homieli, znajšoŭsia ŭ reanimacyi. Jon viadomy pa błohu papularnaha tyktokiera
-
Jak buduć vyhladać novyja stancyi mietro na ŭčastku ad «Piarespy» da stancyi «Park Družby narodaŭ» FOTA
-
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh9
Kamientary