Mierkavańni5353

Častka daiła kazła, častka padstaŭlała sita, i tolki niekalki čałaviek kryčali im, što małaka nie budzie: Arciom Harbacevič pra Arhkamitet 100-hodździa BNR

Kožny, chto pahladzić videa pasiedžańnia «Arhkamiteta pa śviatkavańni 100-hodździa BNR», pahodzicca, što heta była nie sustreča palitykaŭ, nie dyjałoh. Heta kupka ludziej daiła kazła, jašče kupka — padstaŭlała sita, i tolki niekalki čałaviek ad BNF i hramadzianskaj supolnaści kryčali im, što tak małaka nie budzie.

Ilustracyjnaje fota.

A jakaja aktualizacyja! Biez zaharodkaŭ — nie śviata, kryčała častka palitykaŭ, nie damo ŭładam nas zaniavolvać, davajcie prybirać zaharodki! Davajcie nastojvać na šeści! Vyrašym demakratyčna!

Kaniečnie, demakratyja važnaja, ale važna taksama, kab demakratyja była pradstaŭničaja.

A kaho pradstaŭlajuć hetyja ludzi? Z tryma paplečnikami za śpinaju jany majuć nachabstva nastojvać, što «biez šeścia lepš ničoha nie rabić»? Ničoha nie rabić na 100-hodździe BNR?

Što jany sami mohuć arhanizavać, jaki sacyjalny resurs majuć? Niaŭžo dumajuć, što ludzi siemjami pojduć nie na kancercie skakać i suvieniry kuplać, a ich propaviedzi słuchać?

Sumna hladzieć, jak Pavieł Biełavus — adziny, chto siarod hetaha zboru palityčnych impatentaŭ dy marhinałaŭ žyvie ŭ realnym śviecie i moža niešta arhanizavać, akazvajecca ŭ mienšaści, sutykajecca z upartym niežadańniem asobnych admaŭlacca ad svajoj manii začytvać pamflety ŭ złamany hukaŭzmacnialnik.

Tut voś i prajaŭlajecca roznapolusnaść pohladaŭ: Siŭčykam dy Statkievičam važna zmahacca Suprać, Biełavusam i Palčysam — Za.

Sapraŭdy, ułady bajacca masavych šeściaŭ — takija maršy padryvajuć ich pastułaty ab ahulnaj padtrymcy kursu, ukazvajuć na pamyłki. Apošniaje masavaje šeście było letaś, akurat u hety ž miesiac, ale tady było Suprać čaho padstaŭlać śpiny dubinkam — suprać dekreta №3. I jaho admianili.

Ale Siŭčyki i Statkievičy, addanyja svaim starym manijam, u samy adkazny momant hublajuć kamunikatyŭny dar i ŭpuskajuć vypadak — vystupić Za. Za śviata. Za hadavinu. Za šyroki mesiedž: my — pamiatajem historyju, my — adzinaja nacyja, my heta adznačajem i my zdolnyja na kampramisy ŭ važnych pytańniach.

Ułady im padali ruku, a palityki padumali, što pierad imi prahnulisia i možna patrabavać bolš. Aniekdot!

Pa vialikim rachunku, kanflikt možna ŭłahodzić prosta — chaj chto choča ładzić niesankcyjanavanaje šeście. A kanstruktyŭnyja siły chaj ładziać śviata dla krainy, pra jakoje možna budzie napisać bolš, čym «sabralisia—pakryčali—razyšlisia».

Kamientary53

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł2

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Prybytak KamAZa abvaliŭsia ŭ 20 razoŭ

Banki źnižajuć prybytkovaść pa valutnych depazitach da 0,1%. Tłumačym matematyku9

Čarhovaja hańba biełaruskaha futboła. «Isłač» vylecieła ź jeŭrakubkaŭ, prajhraŭšy kamandzie z San-Maryna8

Ryžankoŭ: Dla Litvy hałoŭnaje — zabić lubyja zarodki lićvinizmu10

Śviatłana Cichanoŭskaja sustrełasia z Emanuelem Makronam12

Eks-premjer Siarhiej Rumas źjaviŭsia na pachavańni Vierhiejenki FOTAFAKT6

Ryžankoŭ: U mianie i babula, i mama byli čystymi polkami52

Pucin prapanavaŭ Iranu rekordnyja abjomy rasijskaha hazu sa źnižkaj 75%5

Lidar čempijanatu Biełarusi vylecieŭ ź niatopavaha jeŭrakubka ŭžo na pieršaj stadyi kvalifikacyi

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł2

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →