BDU pavyšaje ceny na navučańnie dla studentaŭ-płatnikaŭ. Rascenki zaćvierdžany zahadam rektara VNU i pačnuć dziejničać z 1 sakavika.

Źmieny tłumačacca rostam taryfnaj staŭki, źmianieńniem umoŭ apłaty pracy prafiesarska-vykładčyckaha składu i pavieličeńniem taryfaŭ na kamunałku.

Samy vialiki «taryf» u BDU ustanoŭleny dla studentaŭ pieršych kursaŭ dzionnaha adździaleńnia na śpiecyjalnaściach «pravaznaŭstva», «ekanamičnaje prava» i «mižnarodnaje prava» - pa 3136 rubloŭ. Raniej cana składała 2851 rubiel.

Samaja nizkaja rascenka — 2242 rubli — na «biełaruskaj fiłałohii», «ruskaj fiłałohii» i «sacyjalnaj pracy». Raniej - 2039 rubloŭ.

Navučańnie na pieršych kursach miechmata zaraz abydziecca ŭ 2475 rubloŭ (raniej 2250). Naprykład, tut vučać pa śpiecyjalnaściach «matematyka i infarmacyjnyja technałohii».

Na fakultecie prykładnoj matematyki i infarmatyki košt krychu bolš, pa 2600 rubloŭ (zamiest 2364). Možna atrymać dypłom u halinie «prykładnoj infarmatyki (napramak - prahramnaje zabieśpiačeńnie kampjuternych sistem)».

Na inšych fakultetach navučańnie pa śpiecyjalnaściach «radyjofizika» abo «jadziernaja fizika i technałohii» abyjdziecca ŭ 2475 rubloŭ (raniej 2250). Stolki ž zapłociać budučyja chimiki, a bijołahi - pa 2852 (zamiest 2593).

Vučycca na histfaku budzie kaštavać 2475 rubloŭ, śpiecyjalnaść «dakumientaznaŭstva» — 2 600 rubloŭ.

Kab stać žurnalistam, treba płacić u hod 2 852 rubli, a mižnarodnaja žurnalistyka kaštuje 2 978 rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0