«Vidavočna, što siońnia Jeŭropa znachodzicca ŭ niejkim niezrazumiełym stanie. Jana jašče nie vyśpieła da kančatkovaj pazicyi. Jana sapraŭdy znachodzicca ŭ pošuku siabie, — padkreśliŭ kiraŭnik biełaruskaha MZS. — Tak, Jeŭropa, napeŭna, pieršapačatkova zadumvałasia, jak skazaŭ adzin z vystupoŭcaŭ, nie ŭ jakaści hłabalnaj siły nakštałt Złučanych Štataŭ Amieryki ci inšych hłabalnych hulcoŭ, a ŭ jakaści srodku dla prymireńnia, tak było skazana. Prymireńnia, tamu što paśla vajny isnavali dziaržavy, jakija znachodzilisia pa roznyja baki barykad, i treba było niešta zrabić, kab abjadnać Jeŭropu. Heta i było zroblena».

«I Jeŭropa, na moj pohlad, da hetaha času nie ŭśviadomiła da kanca, što jana pavinna brać na siabie bolšuju adkaznaść, pavinna adyhryvać bolšuju rolu ŭ hłabalnym płanie, — praciahnuŭ Uładzimir Makiej. — Pra heta, darečy, skazaŭ i ministr zamiežnych spraŭ Hiermanii. I, na žal, hetaja situacyja, kali Jeŭropa znachodzicca pastajanna ŭ niejkich pošukach, kali Jeŭropu skałynajuć svaje ŭnutranyja prablemy, źviazanyja z «brieksitam», ź nielehalnaj mihracyjaj, z šeraham inšych pytańniaŭ, pryvodzić da taho, što ŭ Jeŭropy niama vyraznaj stratehii, vyraznaha bačańnia taho, jak pavinien raźvivacca ES na pierśpiektyvu choć by siarednieterminovuju, nie kažučy ŭžo pra doŭhaterminovuju stratehiju, doŭhaterminovuju pierśpiektyvu. I Zihmar Habryel, ministr zamiežnych spraŭ Hiermanii, prama skazaŭ pra heta i padkreśliŭ, što treba vučycca ŭ hetym płanie ŭ Kitaja, jaki viedaje, čaho jon choča, i aktyŭna prasoŭvaje, realizuje svaje inicyjatyvy, zadumki, prajekty na praktycy «.

Клас
0
Панылы сорам
0
Ха-ха
0
Ого
0
Сумна
0
Абуральна
0