Sport99

Na Alimpijadzie łyžnica, jakaja nie ŭmieła pakazvać truki, vystupiła ŭ dyscyplinie, dzie treba pakazvać truki VIDEA

19 lutaha na Alimpijskich hulniach u Pchiončchanie prajšli spabornictvy pa łyžnym chaf-pajpie siarod žančyn. Dyscyplina zaklučajecca ŭ spusku na hornych łyžach z vykanańniem vidoviščnych trukaŭ — pieramožcam stanovicca spartsmien, jaki nabraŭ za ich najbolšuju kolkaść bałaŭ, piša TJournal.

Adnak u alimpijskaj kvalifikacyi vystupiła amierykanka Elizabet Suejni, jakaja pradstaŭlaje Vienhryju. Zamiest sieryi trukaŭ jana niazhrabna spuściłasia sa schiłu, kab mocna nie razhaniacca, a zatym prosta prajechałasia pa chaf-pajpie, praktyčna nie skokajučy. Za sprobu jana atrymała 30 bałaŭ: u pieradapošniaha miesca nabrałasia 43 bałaŭ (spartsmienka pry hetym zvaliłasia padčas zajezdu).

Vystup Suejni ździviŭ karystalnikaŭ sacsietak. ŚMI nazvali jaje «vielmi siaredniaj» łyžnicaj, jakaja nie pavinna była traplać na Hulni, bo jana navat nie pasprabavała niešta pakazać.

Paźniej vyśvietliłasia, što Suejni trapiła na Alimpijskija hulni, znajšoŭšy zahany ŭ sistemie adboru. 33-hadovaja spartsmienka, jakaja pracuje ŭ Kremnijevaj dalinie, pačała zajmacca łyžami ŭ 25 hadoŭ i raniej pradstaŭlała Vieniesuełu. Dla adboru ŭ Paŭdniovuju Kareju joj treba było niekalki razoŭ patrapić u top-30 na mižnarodnych spabornictvach. Tamu jana jeździła tolki na tyja, dzie ŭdzielničali mienš za 30 spartsmienaŭ.

«Jana jeździła na kožny Kubak śvietu, dzie byli 23, 25 abo 28 spartsmienaŭ. Jana rabiła heta niekalki hadoŭ: časam kankurentki padali, i Suejni atrymlivała miesca vyšej. Kali b jana padała, to nie atrymała b dastatkovuju kolkaść bałaŭ dla Alimpijady. Ale jana nie rabiła truki, a značyć — nie pamylałasia», — kaža Stył Śpiens, sudździa łyžnaha chaf-pajpu.

Fiederacyja Vienhryi zajaviła, što da Hulniaŭ jaje pradstaŭniki nikoli nie bačyli spartsmienku ŭ spravie — jana treniravałasia i źbirała hrošy na pajezdku sama. Paśla vystupu Suejni padkreśliła, što ŭparta treniravałasia, kab patrapić u Pchiončchan.

A voś vystup Kesi Šarp, jakaja pieramahła ŭ dyscyplinie:

Sočym za Alimpijadaj razam z bukmiekierskaj kantoraj Marafon

Kamientary9

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →